Video
Read full review
2022-03-10
63 views
最近行過上環發現新開左一間以腐乳為主題既Fusion餐廳😳鍾意試新野既我就當然唔會錯過😏◦ 椒絲腐乳卡邦尼意粉 ($98)估唔到腐乳都可以加卡邦尼出黎個味道都幾好，再加埋臘腸、紅椒、洋蔥、雞蛋等配料，煮得好creamy，味道都幾好😆腐乳味道係微微地食得出，問下先知原來廚師為左照顧大眾口味，腐乳會落得輕手D，當客人要求重味D既時候會再調節腐乳份量◦ 腐乳忌廉芝士貝果 ($88)個Bagel用左酸種麵包，十分鬆軟香口，牛肉漢堡扒食落相當juicy，而且牛味十足，問下店員先知原來用左和牛，呢個價錢食到和牛真係良心小店😍，腐乳味道同樣比較溫和，大家可以放心試下🤣◦ 南乳炸雞球 ($78)呢個炸雞球頗為出色，新鮮出爐雞肉十分嫩滑，味道啱啱好，通常會配蛋黃醬或者沙律醬，而今次係配埋南乳醬黎食，都幾特別，又估唔到都幾夾！◦ 腐乳咸蛋炸魚皮 ($68)咸蛋黃味道比腐乳味道濃郁，主要都係食到咸蛋味，新鮮炸出黎既魚皮寧捨好食，脆卜卜又香口😍大力推薦！◦ 流白 ($45)呢杯係餐廳既Signature drink之一，原來係一杯腐乳咖啡Tonic water，第一啖就係「哇好重腐乳味😯」，第二啖「咦又好似適
◦ 椒絲腐乳卡邦尼意粉 ($98)
估唔到腐乳都可以加卡邦尼出黎個味道都幾好，再加埋臘腸、紅椒、洋蔥、雞蛋等配料，煮得好creamy，味道都幾好😆腐乳味道係微微地食得出，問下先知原來廚師為左照顧大眾口味，腐乳會落得輕手D，當客人要求重味D既時候會再調節腐乳份量
◦ 腐乳忌廉芝士貝果 ($88)
個Bagel用左酸種麵包，十分鬆軟香口，牛肉漢堡扒食落相當juicy，而且牛味十足，問下店員先知原來用左和牛，呢個價錢食到和牛真係良心小店😍，腐乳味道同樣比較溫和，大家可以放心試下🤣
◦ 南乳炸雞球 ($78)
呢個炸雞球頗為出色，新鮮出爐雞肉十分嫩滑，味道啱啱好，通常會配蛋黃醬或者沙律醬，而今次係配埋南乳醬黎食，都幾特別，又估唔到都幾夾！
◦ 腐乳咸蛋炸魚皮 ($68)
咸蛋黃味道比腐乳味道濃郁，主要都係食到咸蛋味，新鮮炸出黎既魚皮寧捨好食，脆卜卜又香口😍大力推薦！
◦ 流白 ($45)
呢杯係餐廳既Signature drink之一，原來係一杯腐乳咖啡Tonic water，第一啖就係「哇好重腐乳味😯」，第二啖「咦又好似適應左」，第三、四啖就覺得「咦又幾特別」，酸酸地苦苦地，加埋即磨咖啡，味覺都幾豐富，但又唔會好刺激🤪
◦ 話梅Latte ($45)
平時紫薯、抹茶Latte就飲得多，話梅Latte又真係未試過😳飲落酸酸甜甜，加埋即磨咖啡既香味，都幾得意，又係從未試過、好特別既味道😙
好開心今次坐係Bar枱，可以同廚師傾下計，佢地都好nice，熱情地介紹佢地餐廳既理念😙
個人都幾欣賞佢地帶住咁特別既理念黎開餐廳，推薦大家bookmark，得閒去試下，相信會有驚喜😋
Post
