Video
Read full review
2022-12-10
442 views
喺尖沙咀工作， 確實有點難搵食的， 這間九龍餐室， 之前已經試過非常難食， 今日趕時間但係想食蛋撻所以 就嚟咗九龍餐室， 蛋撻係好食的， 但係叫咗個支竹羊腩煲就極度失望， 真係冇諗過佢印咁大個餐牌整啲咁嘅嘢食出嚟， 真係玩咩！ 整得支竹羊腩，都冇理由會打厚芡嘅方式煮個汁， 羊腩呢竟然冇肉， 只有骨！ 好好彩俾你撩到一嚿肉出嚟，你預計嚿肉嘅size大約等於五香肉丁的 size啦！$98 我相信佢扣埋人工同舖租, 利潤可能有60蚊! 兩個人入去食飯, 張枱係唔夠位擺食物的, 去唔去呢間餐廳, 自己分析! 尖沙咀的確是非常方便嘅地方, 佢開喺呢個位置冇得輸, 可能佢煮得咁難食都成日滿座, 原因除咗位置方便，佢大部分嘅卡位都係舒適的， 疫情時候全單都有八折， 取得街坊的心 ，夥記可以叫係冇乜禮貌， 但係我就唔係太計較 ， 反而以體諒的心去食會開心啲 ， 我越體諒佢，（ 不停話唔緊要，唔緊要，唔緊要） 夥記反而好識做， 同我講聲對唔住招呼唔到 ！ 下次嚟請你飲嘢。 呢間餐廳唔算高分 ，但冇辦法，尖沙咀茶餐廳無競爭， 所以依然好多人幫襯！
尖沙咀的確是非常方便嘅地方, 佢開喺呢個位置冇得輸, 可能佢煮得咁難食都成日滿座, 原因除咗位置方便，佢大部分嘅卡位都係舒適的， 疫情時候全單都有八折， 取得街坊的心 ，夥記可以叫係冇乜禮貌， 但係我就唔係太計較 ， 反而以體諒的心去食會開心啲 ， 我越體諒佢，（ 不停話唔緊要，唔緊要，唔緊要） 夥記反而好識做， 同我講聲對唔住招呼唔到 ！ 下次嚟請你飲嘢。 呢間餐廳唔算高分 ，但冇辦法，尖沙咀茶餐廳無競爭， 所以依然好多人幫襯！
Post