陳漢記 (Closed)

陳漢記老字號，黎到大埔當然試試佢啦。首先試試佢出名嘅腸粉，豬潤腸粉唔係間間賣腸粉都食到，所以就叫一碟食下。豬潤腸粉有三大條，腸份晶瑩剔透腸粉皮唔厚，豬潤生熟程度啱啱好豬潤好似喺口入面融化，加埋醬油一流呀。白灼魷魚鬚魷魚彈呀唔韌有咬口，配上蔥花薑絲麻油豉油好夾呀。呢到亦出名食煲仔飯，即使夏天黎到都要品嘗一下。田雞排骨煲仔飯，一煲份量唔細兩個人食啱啱好，田雞排骨都比較小塊，唔多肉食，如果再多d就更好。呢間餐廳整體唔錯，價錢少貴。