滿華堂茶餐廳小廚 (Closed)

今日唔使返工，去左一間平時冇機會去又想試嘅街坊小店，因為佢平日營業時間我放工佢已收鋪，今日終於試到了。叫左三樣。雞蛋煎腸粉，跟冷熱/飲：$30值得一試，蛋皮邊好香脆乾身，腸粉亦夠滑，加上香香的芝麻，味道不錯。沙嗲牛肉飽餐，跟冷熱/飲：$28用上熱狗包夾沙嗲牛，沙嗲牛唔會只得幾片，最緊要價錢又合理。咖哩魚蛋、豬皮、蘿蔔：$25唔會成碟汁，咖哩魚蛋彈牙，蘿蔔夠甜。哩喥個老闆走嚟傾計，講開佢以前喺余均益做嘢，所以對做辣醬都有一定研究，老闆仲介紹其出品嘅麻辣醬，老闆講下次記得要試下佢個麻辣醬。