滿華堂茶餐廳小廚 (Closed)

朝早返工前去搵間茶記食早餐。搵過西營盤幾間茶記，呢間算係無乜負評既餐廳。尤期疫情，最怕搵到唔乾淨既茶記之後又痾又嘔。入到去冷氣充足，有位，位都算乾淨，因疫情期有隔板隔住，唔會話食客之間坐得好近。算係人情味小店，老闆同老闆娘同幾位熟客係度吹水，招呼也有禮及周到。惟三文治不太理想，涵少，蛋乾；蛋牛治應該要滿溢，食到啖啖牛肉先叫好食。凍檸茶幾好飲。比多次機會呢間，所以唔俾負皮。建議去既話可以試下三文治以外既餐。就環境而言同乾淨度黎講算好過好多茶記。

今日唔使返工，去左一間平時冇機會去又想試嘅街坊小店，因為佢平日營業時間我放工佢已收鋪，今日終於試到了。叫左三樣。雞蛋煎腸粉，跟冷熱/飲：$30值得一試，蛋皮邊好香脆乾身，腸粉亦夠滑，加上香香的芝麻，味道不錯。沙嗲牛肉飽餐，跟冷熱/飲：$28用上熱狗包夾沙嗲牛，沙嗲牛唔會只得幾片，最緊要價錢又合理。咖哩魚蛋、豬皮、蘿蔔：$25唔會成碟汁，咖哩魚蛋彈牙，蘿蔔夠甜。哩喥個老闆走嚟傾計，講開佢以前喺余均益做嘢，所以對做辣醬都有一定研究，老闆仲介紹其出品嘅麻辣醬，老闆講下次記得要試下佢個麻辣醬。

訓醒洗完衫落街食，全間坐晒人，好多食客講國語，原來西營盤咁多內地人住😂不過非街坊難d食到 佢六半山門。廚房好似得一個人，樓面係老闆？落單收錢煮野食一腳踢。服務態度好好，有禮貌、三送車仔連野飲$35、飲品有自家沖制既蜜早蜜？！甜甜地幾潤❤️💃🏾送既份量都多、已經連續幾日食車仔麵😂😂呢間最平、味亦係中間。叫左酸齋大腸腩肉，其實全部都無咩味、腩肉好肥。但街坊價同好態度會再幫襯💕食完出面落雨😑又要洗過d衫..a高街面霸, b車仔麵之家 , c呢間, d永年, e鵝頸橋街市：價錢最貴a>b=d>c=e味道e>a>b>c>d

今日晏左食lunch但唔想湊米氣，揀左滿華堂食車仔麵。自選三餸包熱或凍飲都係35蚊都算幾抵！我揀左酸齋丶炆枝竹同埋腐皮卷搭油麵。湯底正常，而油麵ok唔會好腍。枝竹就反而硬左少少，腐皮卷雖則冇南記咁好食但都算唔錯，只係塊皮又係硬左少少。酸齋就有驚喜，咬落唔會成口都係汁，放左落湯又唔會走哂啲汁。好喜歡餐廳個侍應哥哥，佢好有禮貌介紹杯鹹梅蜂蜜比啲客，講真咁客氣嘅員工家陣買少見少。P.S埋單經過幾枱都見人order酸齋，下次再泥試其他餸。

行開西營盤，專登揾D小店食下午茶，就入左呢間試下吓。叫左一個💲27一餸牛腩送凍柠茶及油多size比正常細D，賣相唔錯，湯底濃腩汁，牛腩有6粒，好林，睇得出有心機做，米線唔會太林，碗麵總體90分，飲品及多士O K，我一定翻食試其他嘢，$27十凍飲十多士系港島堅系平，再加上好食，值得支持

上星期先黎試第一次😂因爲鋪面真係唔太起眼 同埋睇到平日係開9-6😂早過自己收工☺車仔麵餸有好多款選擇hahaa 而且個湯底幾好味 如果食得辣一定要試個辣椒油👍👍👍個熱咸梅蜂蜜都好正上次有緣結識左老闆😂原來前老闆係現任老闆嘅哥哥 係星加坡回流返黎接手 傾下傾下原來煮正宗喇沙有一手😍話有一班食友定期預訂一圍黎食 今日有幸老闆打電話黎話有剩2碗留左俾我地試😂衝住黎試碗喇沙好足料好大碗 蝦味好香濃 仲有秘製千蝦米辣椒醬 雙重蝦味👍老闆話正宗喇沙一定要有個辣椒醬😂好正👍👍因爲老闆想保持質素 平時係無得食 因為個湯底用料成本高 準備時間比較耐 所以要預定先有😎欣賞老闆煮野食嘅堅持 如果各位有興趣就打電話去訂

店名：滿華堂茶餐廳小廚地址西環皇后大道西326號地下好味指數：6／10價錢：$27豬腩肉，牛筋，豬手米線 配咸梅蜂蜜飲品款式選擇很多，而且很特別，今次我所選的咸梅蜂蜜有整粒咸梅，味道咸中帶甜，頗為開胃，但不夠凍。這裡全日車仔麵三餸一麵$27，選擇同樣竹很多。今次選了豬腩肉，牛筋和豬手，味道很一般，跟湯底一樣味道清淡無味，而米線不知是雪得太久還是未煮熟的原因，感覺有點硬。

住西環咁多年其實一直都知道呢間小店存在, 只係西環實在有太多食粉面既地方, 所以一直都冇黎試, 今次心血來潮黎試一次車仔面既送菜款式多樣, 由一般既牛雜紅腸到少有既釀豆腐都有, 任君選擇, 今次就揀左牛腩、釀豆卜同滷水豬腩肉黎試, 牛腩豬腩肉都好入味, 只係豬腩肉SIZE比較小, 食得唔夠過隱, 釀豆卜一食就知自家製, 好有心, 最有心就係車仔面上面淋上既蔥油, 好香好香, 令到碗面上升到另一個層次!

$25 3個餸連野飲，有好多款餸揀，我叫左鴨胸、豬脷，苦瓜煎蛋油面，面份量其實有d 少，但味道唔錯，但冇湯底揀，都冇咖喱沙爹果d,最滿意都係杯雪梨蜂蜜到足料，仲有碗野加左黑蔥油，蔥油係西環呢邊車仔面先會加，可惜得幾粒。

店面沒有華麗的裝潢，是街坊小舖，但卻滲著濃濃的人情味 ——半開放式（？）的廚房內，廚師們工作時也不忘聽聽收音機；女待跟客人你一句、我一句的閒聊著，隨和得很；鄰桌的女士問我點的是甚麼菜，我指著牆壁上的菜牌道：「是 雞蛋炒腸粉。」雖然被稱為「雞蛋炒腸粉」，但目睹其真身後，我認為稱作「雞蛋煎腸粉」更為恰當。菜是即叫即製，因此上桌時還是熱騰騰的，非常感動。金黃色的雞蛋煎得香脆可口，配上滑溜的腸粉，是一個完美的配搭。醬汁以豉油及麻醬為主，後來我還加入了甜醬伴勻，實在惹味。那一撮芝麻除了收裝飾之效外，還為整道菜增添了香味，真正做到了香味俱全。最後配上一杯 熱好立克，為這個愜意的下午畫上一個完美的句號。雞蛋炒腸粉 連飲品只是 $15，叫我如何可以不愛它呢？

大大碗又飽肚又平又好食ヌ多餸又多選擇去边到揾，比一般車仔麪份量多，女仕們叫2餸夠晒，最特別係冇汽水反而有自制雪梨茶。料有酸齋正，飽片掂，仲有好多正嘢，要自己發掘，個湯底唔媽呼，番茄和豬骨都正....本人覺得車仔麪一定配油麫先好食？！Right

這間特色車仔麵非一般的車仔麵，係我食過最好味同特別的一間。車仔餸菜單有成40個餸揀，例如：無錫骨、苦瓜煎蛋、金菇、煙鴨胸、北海道帶子、炸雲吞、鵝腸、五香牛... 不能盡錄，而宜周不時換新款。湯底都有3款揀(豬骨濃湯、蕃茄湯及清湯)。飲品又係多款，一般的都有，特色的包括咸檸檬汁、楊枝甘露、紅豆、柚子茶、玖瑰花雪梨茶...等。我逢星期六都去食，大大話話已幫襯咗4年，由最初的$16(三餸麵包冷/熱飲品)到現在的$22，雖然已加咗$6，但都係好抵食！店鋪細細，平時午飯時間要等位的。這麵店好高竇的，佢地無晚市，傍晚6:00就關門。星期日休息就唔洗講，連假期前後都休息幾日，有時新年會休息成個月的，你話係唔係唔休似呢？

最後一日番工，走左落黎食叫左4個送，酸齋，蘿蔔，牛根，雞腎米粉每款送份量都好足難得係蘿蔔清甜得黎又無渣4送加杯凍奶茶都係＄23，抵得很3送加凍飲＄18，重抵

車仔麵店. 食物okay, 算幾好. 非常抵食. 三款食物+飲品都不用廿蚊. 食物選擇多. 如沒記錯, 老細說他們的咖啡是專登從加拿大帶回來, 可以試試. 可惜是店太細, 經常要等位.

幾十款創新料任揀，週不時加入新款，非一般車仔麵，任揀三款料連冷飲品都只係16元，勁抵。舖仔細細，要等位，星期日及假日休息。