樂記煲仔飯粥麵專家

Open Now

Now Closed

以前食個煲仔飯都會諗起大埔的 #陳漢記 ， 每逢冬天都大排長龍，但自從佢光榮結業之後我就無入過大埔搵野食。呢日入開大埔搵朋友，見到陳漢記舊鋪又開左一間煲仔飯專門店叫樂記，諗起陳漢記所以就入去試一試。我地嗌左玻璃叉燒腸，炸两，雞粥，自鱔排骨煲仔飯，食落發覺味道同以前舊有陳漢記味道好似呀！細問伙記先知原來餐廳用返陳漢記舊有班師傅，只係改左名樂記！即刻好開心！玻璃叉燒腸不愧係招牌菜，腸粉全部即叫即蒸，皮薄餡靚，豉油勁香口👍炸两既油炸鬼仲係脆的，有驚喜♥️。滑雞粥係另一個名物～大大碗又多料～熱辣辣好滋味！清清地食得好舒服！而白鱔排骨煲仔飯香味撲鼻，吃得出材都是新鮮靚料，白鱔厚肉彈牙，排骨亦不會過油過鹹。整體非常不錯。最後喝上杯凍豆漿，完美♥️👍。