Video
Read full review
2019-04-27
283 views
從來Omakase 都係選擇困難症如我既一個好幫手，因為廚師會幫你決定晒食咩，佢會比當天佢認為最新鮮既食物你😋岩晒我呢💕今日係紀念日，男友專登book 吟 黎慶祝🥰如果黎記得提早book,因為店一次只可招待六組客人，而且一餐飯都要起碼兩個鐘😝一坐低，侍應即送上蔬菜沙律，然後我地一路食住新鮮既沙律，一路睇師傅幫我地烹調第一道菜：黑松露三文魚籽蒸蛋。師傅將蛋汁倒入兩個精緻既細杯，再加水係鐵板用蓋焗住，隔一陣，師傅就打開蓋加三文魚籽同黑松露係蒸蛋上面！蒸蛋既時間掌握得非常好，蛋又香又嫩滑，配埋三文魚籽既鹹鮮同黑松露既濃香，令每一啖都口感豐富，淨係個蒸蛋都令我眼前一亮😍第二道係活北寄貝紫菜湯師傅先紫菜同高湯放係北寄貝既殼上滾兩滾，再加入炒香既北寄貝肉，完成第二道菜！北寄貝不用多調味已經食到鮮甜，而且肉質彈牙，食完肉飲埋個紫菜湯，完美！第三道係烏魚子炒象拔蚌。師傅先將橙色既烏魚子係鐵板炒至粒粒乾身脆卜卜，再將象拔炒香上碟，最後撒上烏魚子！象拔蚌炒既時候冇加調料，主要係用烏魚子既鹹香提味！果然鹹鹹地既烏魚子為象拔蚌畫龍點晴，令象拔蚌又鮮又爽口！第四道係香煎北海道帶子配柚子胡椒帶子輕輕煎到金黃色，由
今日係紀念日，男友專登book 吟 黎慶祝🥰如果黎記得提早book,因為店一次只可招待六組客人，而且一餐飯都要起碼兩個鐘😝
一坐低，侍應即送上蔬菜沙律，然後我地一路食住新鮮既沙律，一路睇師傅幫我地烹調第一道菜：黑松露三文魚籽蒸蛋。
師傅將蛋汁倒入兩個精緻既細杯，再加水係鐵板用蓋焗住，隔一陣，師傅就打開蓋加三文魚籽同黑松露係蒸蛋上面！
蒸蛋既時間掌握得非常好，蛋又香又嫩滑，配埋三文魚籽既鹹鮮同黑松露既濃香，令每一啖都口感豐富，淨係個蒸蛋都令我眼前一亮😍
第二道係活北寄貝紫菜湯
師傅先紫菜同高湯放係北寄貝既殼上滾兩滾，再加入炒香既北寄貝肉，完成第二道菜！北寄貝不用多調味已經食到鮮甜，而且肉質彈牙，食完肉飲埋個紫菜湯，完美！
第三道係烏魚子炒象拔蚌。
師傅先將橙色既烏魚子係鐵板炒至粒粒乾身脆卜卜，再將象拔炒香上碟，最後撒上烏魚子！
象拔蚌炒既時候冇加調料，主要係用烏魚子既鹹香提味！果然鹹鹹地既烏魚子為象拔蚌畫龍點晴，令象拔蚌又鮮又爽口！
第四道係香煎北海道帶子配柚子胡椒
帶子輕輕煎到金黃色，由於食材已經好新鮮，所以只略加少少鹽調味，務求食到原汁原味既鮮甜😮師傅仲配左柚子胡椒，蘸左柚子胡椒既帶子微微少許辛辣，但又唔會搶走帶子既鮮甜，兩者各有各好😄
第五道菜係炸焗金目鯛配南瓜汁
起初見到師傅拎左兩塊魚柳出黎，以為冇乜特別咁，原來大錯特錯！金目鯛魚皮連鱗炸得酥脆，魚肉就冇炸，係焗熟既，所以魚肉極滑同細嫩，而且好鮮甜，師傅既時間控制得非常好，鼓掌👏👏配以濃郁既南瓜汁，為清淡既魚肉提味💋
食緊既同時，師傅叫我地慢慢食，佢去準備下一道菜，轉頭見到師傅係魚缸捉左兩隻巨型鮑魚，Oh my God😲😲
冇錯❗️第六道菜就係煎活北海道鮑魚啦🥰
煎到鮑魚岩岩熟，不加任何調料，切片上碟，再將鮑魚既內臟煮成醬，可以就咁食或者蘸醬食都得！
師傅話因為鮑魚新鮮同帶有海水味，所以唔加任何調料都已經微鹹！唔怕食內臟既可以蘸埋醬食，更加鮮味💋
品嚐緊鮑魚既時候，師傅又要我地稍等，佢話去捉一捉龍蝦先😂
Surprise‼️第七道菜係牛油龍蝦膏炒龍蝦🦞
大大隻龍蝦係你面前起肉，再將龍蝦頭入面既膏加牛油去拌炒。龍蝦肉本來已十分爽口，再加埋牛油及龍蝦膏，香味更撲鼻👅💦份量都多，兩個人細食啲啲都食唔晒呀😯
第八道：鵝肝多士配蘋果醋。
朋友係鵝肝超級fan,佢見到師傅拎鵝肝出黎煎果陣，開心到爆🤣 煎香既鵝肝放係烘得脆身既多士上，再加上一抹蘋果醋去中和番鵝肝的油膩感，恰到好處‼️
特別想提伴碟霜凍士多啤梨，咬落士多啤梨既質感已經變成沙冰，作為解膩既伴碟真係令人眼前一亮🤩
第九道：沙糖多士。
師傅話食肉前先整個沙糖多士過一過渡，清清味蕾。只係好普通既粗粒沙糖同方包，經過師傅既巧手加一加工，即刻變得又甜又脆口🤓
食緊多士時，師傅又準備煎和牛啦，第十道菜係宮崎A4和牛🤗
未煎前師傅show 比我地睇和牛，油花分佈非常平均，望落已經令人流晒口水！師傅將和牛分成三部份處理，外邊既油脂煎得脆口，逼晒油份出黎，留待下道菜用。
而牛肉部份分外圍及較中心部分煎香，沒有多加調料，只係略略灑上黑椒同鹽調味。中心部分煎成五分熟，口感非常軟嫩，入口即化👍🏾👍🏾
外圍部分煎成全熟，同中心位有好大比較，有嚼勁，但牛味一樣咁重👍🏾
食牛既同時，侍應送上一碗湯，原來頭先龍蝦既頭拎左去煮湯呀😲湯頭亦用左𩶘魚熬製，好濃郁，係我飲過最真材實料既龍蝦湯👏👏
差唔多接近尾聲啦❗️第十二道係櫻花蝦和牛炒飯🥰
頭先和牛外邊既油脂煎得脆口，逼晒油份出黎，就係為左炒呢個飯！和牛油既香氣滲晒入櫻花蝦、蛋同每粒飯入面，師傅將飯炒至乾身，再灑上蔥粒點綴😋即時飽到上頸都忍唔住食埋佢😂
最後，師傅炒個雜菜，咁就完成十三道菜啦！辛苦晒師傅🙏🏿🙏🏿連咁普通既芽菜、椰菜絲同蘿蔔絲我都覺得非常好味，全清💋💋
終於，歷時二個鐘既鐵板燒馬拉松終於完成了！當然唔少得飯後甜品，就係焦糖咖啡及蜜瓜大福🍡QQ 的兩粒丸子雪得微凍，加上味道好濃，所以係一個完美既結束👏👏👏
第一次試鐵板燒omakase,就令我留下非常好既印象，每一道菜都令人有驚喜，而👨🏻🍳既廚藝真係無得頂，好認真制作及講解每一道菜💕精緻又富藝術感既碗碟更加有畫龍點睛的作用🐉同埋值得一讚既係侍應服務好殷勤，好適時黎加茶同收碟🥰🥰
下次一定要帶屋企人黎試下咁高質既鐵板燒👍🏾👍🏾
Post
