Video
Read full review
2023-04-07
831 views
喺日本既時候幾中意呢種自助形式既日式烏冬店，喺香港都即管試下質素如何！首先係自選烏冬，選擇都唔算少，而且係即叫即煮既形式😮最後叫左兩碗拌烏冬😂叫完揀埋炸物再配飲品就去收銀處比錢仲有自助調味料區同水可以自己再加蔥花、薑茸、天婦羅脆粒同鰹魚醬油。▪️明太子溫泉蛋拌烏冬 (中: $48)賣相一般，但撈埋明太子味好香，而且烏冬都幾有咬口同夠彈牙，再篤爛溫泉蛋一齊食仲正。不過基本上都夠味，唔使加鰹魚醬油。雖然唔係叫熱湯烏冬，但都想試下啲天婦羅脆粒，不過食落就偏油，唔夠乾身🥹▪️牛肉麻醬拌烏冬 (大: $52)撈左麻醬既烏冬都好好食🤤 份量比中size係大少少既，牛肉份量都唔少！好夠飽炸物方面貪心左啲，叫多左😂不過每件炸物都可以用$25套餐配埋飲品，叫多左就要每件炸物咁計。雖然啲炸物全部都係預先炸定，不過凍左都仲keep到脆，唔會淋晒。吉烈豬扒啱啱炸起夠晒熱，唔算好油膩，香脆好食，仲配埋醬添另外仲叫左其他炸物 (由左至右)炸蝦餅 驟眼睇以為係炸魚柳😂咬落都有啖啖蝦肉，唔錯炸雞塊天婦羅 ($16)呢個比較普通，雞塊唔會太乾身，整體就無咩特別海苔竹輪天婦羅 ($14)呢個純粹係之前喺日本食過，覺得幾好食先
首先係自選烏冬，選擇都唔算少，而且係即叫即煮既形式😮
最後叫左兩碗拌烏冬😂叫完揀埋炸物
再配飲品就去收銀處比錢
仲有自助調味料區同水
可以自己再加蔥花、薑茸、天婦羅脆粒同鰹魚醬油。▪️明太子溫泉蛋拌烏冬 (中: $48)
明太子溫泉蛋拌烏冬
$48
39 views
0 likes
0 comments
賣相一般，但撈埋明太子味好香，而且烏冬都幾有咬口同夠彈牙，再篤爛溫泉蛋一齊食仲正。不過基本上都夠味，唔使加鰹魚醬油。雖然唔係叫熱湯烏冬，但都想試下啲天婦羅脆粒，不過食落就偏油，唔夠乾身🥹
▪️牛肉麻醬拌烏冬 (大: $52)
牛肉麻醬拌烏冬
$52
36 views
0 likes
0 comments
撈左麻醬既烏冬都好好食🤤 份量比中size係大少少既，牛肉份量都唔少！好夠飽
炸物方面貪心左啲，叫多左😂不過每件炸物都可以用$25套餐配埋飲品，叫多左就要每件炸物咁計。雖然啲炸物全部都係預先炸定，不過凍左都仲keep到脆，唔會淋晒。
吉烈豬扒
吉烈豬扒
32 views
0 likes
0 comments
啱啱炸起夠晒熱，唔算好油膩，香脆好食，仲配埋醬添
另外仲叫左其他炸物 (由左至右)
炸蝦餅
驟眼睇以為係炸魚柳😂咬落都有啖啖蝦肉，唔錯
炸雞塊天婦羅 ($16)
呢個比較普通，雞塊唔會太乾身，整體就無咩特別
海苔竹輪天婦羅 ($14)
呢個純粹係之前喺日本食過，覺得幾好食先想再試，有海苔既係好食啲
仲有蘋果味既日本果汁，飲落都唔錯😆
呢度全部都以自助形式，食完將自己啲餐盤收返起就得，價錢就合理既，基本上都唔會食到好貴，因為一碗烏冬本身都唔少。
Post
