丸亀製麵 (大本型)

Open Now

Now Closed

今晚收工一個人，回到油塘才找東西吃。心想由於今天中午都吃得很油膩，晚上還是選擇清一點吧！於是就選擇了在大本型商場內的丸亀制面，他們店的特色是自家制烏冬，口感會非常煙韌彈牙，而我就選擇了大的清湯牛肉烏冬，他們結帳的方式非常方便，選擇烏冬後還可以加購其他的配料，但是我自己都沒有加，最後結帳後在配料區加了一些蔥花，烏冬吃起來非常煙韌彈牙，牛肉都夠味而且唔會煮得太老，另外特別欣賞清湯底，最後吃飽後很滿意的回家了。

每次嚟油塘諗唔到食咩，都會食哩一間，有唔同嘅烏冬款式，仲有幾款飯類選擇。素食既話仲有腐皮烏冬同埋淨烏冬！今次我就係叫左腐皮烏冬😇大大一執腐皮索滿晒湯汁烏冬又清清甜甜超低推薦

想快靚正食晚餐，但又唔係想炸雞薯條，第一時間就諗到呢間日式烏冬店──丸龜製麵啦！食過丸亀製麵的人都知，先喺櫃枱落order，再經過自助食品系列，然後付款，最後坐低慢慢食。望到不同款式的日式炸物，令人流晒口水呀！豬軟骨湯烏冬是夜選擇咗豬軟骨湯烏冬，有滑嘟嘟的湯烏冬，加埋帶點口感的豬軟骨，好！我另外再加配溫泉玉子，當食烏冬時以香濃蛋汁蘸住食，更有層次。

聽過朋友講話呢間既烏東好食，今日經過諗住買翻屋企試下，點知好難食…啲烏東軟淋淋，又無味…佢分開左湯同麵啲麵都可以咁淋🥲🥲😅😅人均$50食啲咁既嘢都幾worse，唔係好建議黎食

天氣熱辣辣，冇乜胃口🫠最啱食返碟冷烏冬🍜食烏冬即刻諗起哩間。舖頭係自助形式，入到面口會有餐牌，睇啱食咩就可以直接同店員下單，睇住佢好快手煮好，然後需要自己攞個木兜拎返碗烏冬🍜，行過少少就會有炸物。睇啱就可以攞放入兜，揀好曬可以比錢，整個流情都非常日式✨🙌🏻今日點左冷烏冬，同炸吉列豬扒。自己好鍾意呢間嘅冷烏冬，烏冬夠凍，烏冬汁味道剛好💕吉列豬扒，外皮香脆，只是略為有點硬😂😂

喺日本既時候幾中意呢種自助形式既日式烏冬店，喺香港都即管試下質素如何！首先係自選烏冬，選擇都唔算少，而且係即叫即煮既形式😮最後叫左兩碗拌烏冬😂叫完揀埋炸物再配飲品就去收銀處比錢仲有自助調味料區同水可以自己再加蔥花、薑茸、天婦羅脆粒同鰹魚醬油。▪️明太子溫泉蛋拌烏冬 (中: $48)賣相一般，但撈埋明太子味好香，而且烏冬都幾有咬口同夠彈牙，再篤爛溫泉蛋一齊食仲正。不過基本上都夠味，唔使加鰹魚醬油。雖然唔係叫熱湯烏冬，但都想試下啲天婦羅脆粒，不過食落就偏油，唔夠乾身🥹▪️牛肉麻醬拌烏冬 (大: $52)撈左麻醬既烏冬都好好食🤤 份量比中size係大少少既，牛肉份量都唔少！好夠飽炸物方面貪心左啲，叫多左😂不過每件炸物都可以用$25套餐配埋飲品，叫多左就要每件炸物咁計。雖然啲炸物全部都係預先炸定，不過凍左都仲keep到脆，唔會淋晒。吉烈豬扒啱啱炸起夠晒熱，唔算好油膩，香脆好食，仲配埋醬添另外仲叫左其他炸物 (由左至右)炸蝦餅 驟眼睇以為係炸魚柳😂咬落都有啖啖蝦肉，唔錯炸雞塊天婦羅 ($16)呢個比較普通，雞塊唔會太乾身，整體就無咩特別海苔竹輪天婦羅 ($14)呢個純粹係之前喺日本食過，覺得幾好食先

超人氣烏冬專門店，每當我諗唔到食咩嘅時候，見到附近有丸龜，就一定會食🤣就算佢分店好多，佢嘅烏冬水準都好穩定🥚溫泉蛋烏冬溫泉蛋啱啱好，唔會太熟或者太生昆布湯好清甜，係日本嘅味道烏冬就非常有咬口，唔會糊哂咁🍎蕃茄牛肉湯烏冬蕃茄味濃郁，酸酸甜甜，牛肉份量就略為少咗啲，唔夠大肚腩食🙈🐟鱈魚扒可能放咗耐少少，唔係太熱魚肉好嫩滑，唔會太乾身🥔咖喱薯餅咖喱薯餅味道正常，溫度亦都正常如果要揀一個小食，係不二之選

即叫即整的烏冬，烏冬仲有分大同中Size嘅碗方法想食多啲嘅人，蕃茄汁好濃味可以飲小量，夠熱又快出餐，牛肉薄切唔會太韌。小食方面因只放燈下照住，所以無咁熱，而且有啲淋唔夠脆口，相反日式炸餃子比較有口感，雖然脆口但唔會太熱。餐廳主要自助形式進行，例如自行取餐、餐具和飲品，進餐完畢自行放到清洗部給員工清潔碗碟。環境方面整潔舒適唔會太多人又唔洗等好耐岩啲返工外出一小時內的人去食。蕃茄牛肉烏冬（中）+魷魚鬚+可口可樂總值$76

約左朋友仔去三家村石礦場影相，出發前先醫肚，係大本營搵野食，我第一次食，可以自選份量同小食，幾得意，要左個中size 烏冬，幾好味，烏冬好彈牙好滑小食番薯天婦羅，番薯唔夠甜，硬硬地，不過就吾貴，$60/人

一個人的me time🤩好幾年前食過TST個間丸龜製麵烏冬係讚岐烏冬 我自己好鐘意食❤️而屋企樓下呢間我一直想食😆但另一半唔鐘意食烏冬, 真係次次行過都只可以眼甘甘望住😆早2日終於有機會自己一個膽粗粗去試🙈見堂食既人唔多 (基本上我行過親都好多位)但好多人外賣返屋企👍🏻野食冇TST個間多, 始終唔係商業區/旺區, 呢點理解的❤️最後都係要左最鐘意既 #豬軟骨, 同#炸薯餅 一個女仔食個中size都好夠飽😆其實都係冇咩驚喜既"連鎖式"味道😆整體不過不失, 叫做俾咁既價錢唔會覺得好唔抵/難食等😂

呢間餐廳嘅烏冬一向有保證，今日再嚟一round😉我最鍾意食拌烏冬套餐，除了拌烏冬，還有小食、汽水🥤、甜品，yummy 😋果然無令我失望。牛肉🐂麻醬拌系烏冬套餐，烏冬🫕爽滑彈牙，好有口感。牛肉🐂嫩滑，份量足夠，撈埋個麻醬，超正😆炭燒雞肉拌烏冬套餐，雞肉🐔粒唔會硬，烏冬混埋醬汁、粟米、溫泉蛋，炭燒雞肉🐔粒，食到舔舔利😛至於個小食，日式炸鮫子🥟味道唔錯，但皮有點硬，有待改善🙃抹茶紅豆🍺大福就甜左少少。

丸龜製麵嘅烏冬一向出名，除左彈牙亦算滑身，加埋湯都好味😋見到油塘開咗分店，於是試吓。今次只係嗌咗最簡單嘅溫泉蛋烏冬，另外加一個個素菜魷魚，但有啲失望。無諗過淨烏冬完全好似加豉油湯咁，不過烏冬算彈牙粗身，最終都成碗食晒。溫泉蛋整得太稀，一咬即破變成食生雞蛋咁，我個人就麻麻哋。素菜魷魚棒入口都係太軟身，雖然都有少少鮮魷魚味，可惜無咩咬口，俾小朋友食可能啱啲🤔我覺得最失望係餐廳只有樽裝飲品，仲要套餐只能配汽水，其他飲品如綠茶紅茶都要加錢。埋單$70，我覺得屋邨餐廳嚟講都唔算太抵，加上食物平平，相信都未必再回頭。

呢一間丸龜製麵其實都唔少分店，記得之前讀大學嘅時候喺樂富食過一次，之後就對佢嘅烏冬念念不忘，因為真係好煙韌！😻😻😻😻-所以佢越開越多分店，真係鄧佢哋開心呀😻我好鍾意佢嘅烏冬可以揀中或者大嘅size，有個人自己次次都會食大嘅size，咁樣佢嘅烏冬就會多啲❤️我最鍾意就係佢嘅豬軟骨高湯烏冬，豬軟骨係整到好淋，次次都會食到滿滿嘅骨膠原㗎！同埋佢嘅份量都唔少，次次都會有兩至三舊❤️❤️加埋佢哋好好味嘅烏冬，真係會令到人哋好難忘呀😍

#大食小公主外賣出動👸🤪丸亀製麵外賣都有好選擇🙏🏻 🚩 花膠雞烏冬 中 $56 （外賣85折）禁堂食之後就求其入左一間買外賣估唔到都有驚喜👍烏冬出名彈牙👌雞塊大約有四至五嚿花膠就有三至四嚿驚喜嘅係個湯 雖然有少少油膩 但係幾有雞味幾好飲😋中size 同大size 差$3 大家可以試吓大size😋😋總結時間🥰外賣都可以食到好嘢😋😍評分時間👅（5️⃣個👸為滿分）食物👸👸👸👸抵食👸👸👸👸回頭率👸👸👸👸

Feeling bored of flat homemade lunch so we wanted to go for some cheap food delivery. Serendipitously, this restaurant was doing 20% off $100 - what a great deal! Although we had one slightly unpleasant experience with them in the past where their sauce was way too salty, we felt we could give it some leeway and see if it was a one-off experience. They have a wide variety of udon sets and bowls, I bet there must be one that suits your palate! We got the curry beef udon bowl for $46 and grilled c