林記小食

Open Now

Now Closed

經過林記，見到好多人。就係度諗要排咁耐，啲人都咁想食，應該都唔錯嘅？今次就揀咗腸粉加燒賣加魚蛋。^_^燒賣嘅外表扁扁地，唔似出邊嗰啲燒賣形狀咁。燒賣食落彈牙，有咬口，聽講呢度嘅燒賣係人手打嘅，怪唔之得外表粒粒唔同樣，同埋肉地鮮。魚蛋，今次揀咗辣味。第一口食咗個魚蛋，爭啲濁親因為有啲辣。但係越食越滋味，完全係越辣越好味嘅感覺，魚蛋好實心，啱晒似我鍾意有口感嘅人。腸粉都幾滑身再加埋混醬都唔錯。但食唔出特別之處，覺得都okok ^^另外，呢度婆婆做人好均真，見到有客人比多左錢。婆婆即刻叫停客人，堅持畀返客人。有時，婆婆比少咗一粒燒賣比客，婆婆發現咗就叫客人返嚟俾返粒佢。欣賞婆婆。