磊犇 (Closed)

原來石板燒已經風靡緊香港一段時間，一直無時間去試，今次搵岩朋友喜歡牛，就咁去吧！一踏入「磊犇」 就立刻有自助點餐機點餐，點好餐就找個座位。今次揀左400g 牛肩肉和磊牛扒。 等待牛扒時，可自助添沙律、湯、飯及飲品。沙律菜好乾淨新鮮，而且保持微凍，有日式芝麻醬和和風醋汁選擇，前者芝麻香又滋味；後者微酸清爽開胃。 一切準備就緒，去取牛扒前記得順便拎圍巾，因為熱石板真係煎到牛扒彈油，保護自己件衫至為重要，餐廳的確細心！切開一粒粒牛肉，輕輕煎一下，就食得。熱辣辣有燒肉既香味好正，味道鮮嫩，牛肉有豐富肉汁，肉質結實得來帶點咬口，仲有脂肪既香味。 簡單加鹽同黑椒已經好正，食到原有風味。沾燒汁味道更豐富，而黑椒汁亦香濃仲好惹味。不要太早將調味料，因為控制唔到火力就會令肉質加快變老，最好就係煎到你５成熟，就可以將黑胡椒灑上去！可以享受無窮既牛肉之際由自己親手係一個高溫石板去主理，真係好有質感！好好的體驗！