Video
Read full review
2019-05-20
1059 views
前排睇到生果日報報道呢間雄記，知道老闆雖然冇學過煮嘢食，但對飲食好有要求，好執着，自學煮野食。加上老闆係個愛妻號，為左方便照顧患病嘅太太，所以係屋企附近開咗呢間私房菜，我地一家人慕名而來試吓！基本上每晚老闆只會招呼10個人客左右， walk in黎嘅話一定冇位，所以記住要訂枱！我哋WhatsApp同老闆訂枱嘅時候，老闆已經會同我地溝通想食乜，有咩推介等等，所以去到都唔使落order。而且老闆好有性格，本來我哋想食斧頭扒，其實斧頭扒係貴啲，但係老闆反而推介我哋食平啲嘅肉眼扒，話肉質仲好啲！🔸洋蔥湯洋蔥湯真係好似報道所講，好濃郁，我未見過咁深色、咁濃嘅洋蔥湯，好甜好好飲。老闆用咗幾種洋蔥去炒，炒完又再焗，好多功夫！連跟湯個麵包都係自己焗㗎！！真係好有要求！🔸烤紐西蘭羊架因為我爸爸唔食羊，所以只係叫咗一份，一份有四枝，但老闆話佢呢個羊係唔會有蘇味，叫我爸爸一定要試吓。果然，個羊架真係一啲蘇味都無（我爸爸係DD蘇味都接受唔到，佢都話好食）而且超級juicy！好好味！一人食一枝真係唔夠！特別一提，個薄荷醬仲要係自己整嘅，唔係平時現成啫喱狀嗰啲，所以好清新感覺好Fresh!!! 醬料都自己整真係好
基本上每晚老闆只會招呼10個人客左右， walk in黎嘅話一定冇位，所以記住要訂枱！
我哋WhatsApp同老闆訂枱嘅時候，老闆已經會同我地溝通想食乜，有咩推介等等，所以去到都唔使落order。而且老闆好有性格，本來我哋想食斧頭扒，其實斧頭扒係貴啲，但係老闆反而推介我哋食平啲嘅肉眼扒，話肉質仲好啲！
🔸洋蔥湯
洋蔥湯真係好似報道所講，好濃郁，我未見過咁深色、咁濃嘅洋蔥湯，好甜好好飲。老闆用咗幾種洋蔥去炒，炒完又再焗，好多功夫！
洋蔥湯
71 views
2 likes
0 comments
連跟湯個麵包都係自己焗㗎！！真係好有要求！
🔸烤紐西蘭羊架
因為我爸爸唔食羊，所以只係叫咗一份，一份有四枝，但老闆話佢呢個羊係唔會有蘇味，叫我爸爸一定要試吓。果然，個羊架真係一啲蘇味都無（我爸爸係DD蘇味都接受唔到，佢都話好食）而且超級juicy！好好味！一人食一枝真係唔夠！
特別一提，個薄荷醬仲要係自己整嘅，唔係平時現成啫喱狀嗰啲，所以好清新感覺好Fresh!!! 醬料都自己整真係好有誠意！我哋後尾想追加多一份羊架都冇啦，因為老闆預備食材要每日新鮮，除咗意粉同飯，其他嘢都冇得追加，so sad!!
烤羊架
39 views
2 likes
0 comments
🔸肉眼扒
老闆知道我地多人食，特登預備左一塊大嘅肉眼扒俾我哋。叫左7成熟，煎得啱啱好，肉味好濃，好味～
肉眼扒
50 views
1 likes
0 comments
🔸烤蘋果乳豬腩卷
呢個食落有啲似日本既叉燒，但佢配左個蘋果蓉，甜甜地，又幾夾～
烤蘋果乳豬腩卷
53 views
2 likes
0 comments
🔸明太子海鮮手打意大利麵
個意大利麵係即時手打，睇住老闆搓粉，你想試整嘅話，老闆仲會教下你，有得食又有得玩！原來即時手打出嚟嘅意大利麵，質感好唔同，好煙韌好有彈性，麥味好濃！而且個醬汁好鮮甜，有成6隻蝦咁多，啲蝦又新鮮，真心好味！
明太子海鮮手打意大利麵
46 views
2 likes
0 comments
🔸黑松露雜菌意大利飯
好香黑松露味，意大利飯煮得煙韌有咬口，老闆話啲飯煮到八成熟係最好味！
黑松露野菌意大利飯
36 views
1 likes
0 comments
🔸Tiramisu
唔會太甜，味道啱啱好，而且個底唔會太濕。我好怕有啲Tiramisu做到個底濕滴滴，口感好核突。呢個做得幾好！而且有淡淡嘅酒香！
Tiramisu
36 views
1 likes
0 comments
🔸Panna Cotta
奶味濃郁，而且好滑！旁邊配上莓醬同熱情果醬，酸酸甜甜，令個奶凍味道更加豐富！
Panna Cotta
39 views
2 likes
0 comments
呢餐真係好滿意,食得又開心。我地5個人食，埋單千八蚊左右，呢個質素真心唔算貴！
不過因為老闆好有要求,每碟餸都係即刻整,所以好花時間,我哋呢餐食咗差唔多三個鐘！真係要有時間慢慢嘆，先好過黎！
Post
