Video
Read full review
2022-12-01
1909 views
承接之前嘅食評，提到我同老婆入到嚟東涌住民宿，因為玩過幾次酒店宅渡假，所以，今回搞吓住民宿。第二日行程就玩愉景灣，先去梅窩，再行山行去愉景灣，約兩粒鐘左右，再上愉景灣暸望台及其他打卡位，最後嚟到白教堂，而晚飯就晌愉景灣酒店嘅「Café bord de Mer & Lounge」食埋個自晚餐先打道回府，成日行程夠晒豐富，同賣力。 諗住咁山長水遠，會幫襯嘅客唔多，點知，未夠鐘，晌門口已經排緊隊等入場，真喺盛況空前，跟住陸陸續續入場，坐吓坐吓近乎全場爆滿，真喺唔好睇小港人嘅消費力。 而呢度嘅環境真喺幾唔錯，一邊全部落地大玻璃，事前都睇過他人嘅食評，對出就喺一片海景，藍天白雲，景觀一流，不過我哋夜晚到訪就欣賞唔到咁嘅靚景，之但喺，成個場都好舒服，一來夠大，地方闊落，二來樓底高，空間感十足，我哋被安排一陸嘅梳化位，更感寫意休閒。原來自助晚餐正正做緊「大澳主題」，唔知會做到幾時，因為相信12月中大多數酒店嘅自助餐都以聖誕為主題。以「大澳」為題，相信有唔少本土特色海鮮菜。價錢以星期日至四計，成人收$488，小童收$244；而以星期五、六計，就貴多啲，成人收$638，小童收$319。不過，星期日至五就
諗住咁山長水遠，會幫襯嘅客唔多，點知，未夠鐘，晌門口已經排緊隊等入場，真喺盛況空前，跟住陸陸續續入場，坐吓坐吓近乎全場爆滿，真喺唔好睇小港人嘅消費力。
而呢度嘅環境真喺幾唔錯，一邊全部落地大玻璃，事前都睇過他人嘅食評，對出就喺一片海景，藍天白雲，景觀一流，不過我哋夜晚到訪就欣賞唔到咁嘅靚景，之但喺，成個場都好舒服，一來夠大，地方闊落，二來樓底高，空間感十足，我哋被安排一陸嘅梳化位，更感寫意休閒。
原來自助晚餐正正做緊「大澳主題」，唔知會做到幾時，因為相信12月中大多數酒店嘅自助餐都以聖誕為主題。以「大澳」為題，相信有唔少本土特色海鮮菜。價錢以星期日至四計，成人收$488，小童收$244；而以星期五、六計，就貴多啲，成人收$638，小童收$319。不過，星期日至五就有第二位半價優惠（星期六除外）！
整個場地嘅格局，都算幾歸一，食物區集中晒晌入門口嘅前面及左手邊，唔會東一忽，西一忽。
飲品吧就對正入門口位附近，本來平平無奇，不過，因為今日行咗成4個幾鐘，此刻，當然有啲幾口渴，故此，一起手灌咗兩杯芒果茶，加多一杯橙汁，當堂爽晒。仲有，唔知咩原因，酒店仲送上咗杯香檳，等陣用嚟配凍海鮮就真喺一流。
沙律、特色冷盤跟住，就逐個逐個食物區介紹，先喺自助沙律吧，唔算大陣容，兩款沙律菜加少少配料，數款醬汁，另外，就仲有啲預製好嘅沙律及特色冷盤，最有亮點喺啲冷盤，多元化之外，加入好多本土元素，我老婆就勁鍾意，小弟就樣樣要啲。
雜錦凍肉拼盤晌另一邊長枱，有啲凍肉腸拼盤、挪威煙三文魚，喺唔少自助餐必見嘅冷盤嘢，小弟一向用嚟襯沙律食，而睇落啲凍肉腸幾好樣，望上去都幾油潤，唔會「乾崢崢」。
介紹完上述幾個大類，就嚟一份超級頸盤，樣樣執啲，睇見都好豐富啦，除沙律外，仲揀咗幾款冷盤嘢、雜錦凍肉，再去甜品嗰邊拎啲生果，淋上啲凱撒沙律汁，酸香醒胃，清爽怡人。
刺身、壽司本身都喜歡食刺身、壽司，不過，平常食自助餐就比較少揀，但點都要介紹番兩句。刺身有八爪魚、鯛魚、吞拿魚同三文魚，都喺港人頗喜歡嘅款式；而壽司就雜綿啲，做好晒一大盆放晌度自取，款式上都喺大路少少。
今日就貪口痕，捧吓場，試咗少少刺身，阿師傅幾有心，幫我捲起去，擺得靚仔啲，啲三文魚仲俾一大堆我，哈哈。三文魚好夠油潤，鯛魚就味淡啲，但好清爽，而八爪魚柔韌好食。
凍海鮮、芝士盤晌沙律、冷盤大圓枱嘅另一面，就放有凍海鮮、幾款芝士、乾果、水餅，依家生蠔唔再喺自助餐必然供應嘅食物，太多基於食衛安全去考慮，雖然無生蠔，但仍有大大隻麵包蟹、大蜆、凍甜蝦及鱈場蟹腳。
凍海鮮唔算多，所以，4款都試晒，啲麵包蟹勁爆膏，真喺膽固醇萬歲，大蜆亦好鮮甜，甜蝦十分爽口彈牙，鱈場蟹腳拆出原條蟹肉，鮮味到不得了。整體而言，幾款海鮮都有質素，唔喺平價貨。
凍海鮮
10 views
0 likes
0 comments
餐湯、麵包自助餐就一定會提供中湯、西湯，前者有青紅蘿蔔煲豬骨，後者就喺蕃茄湯，兩款都唔喺咩特別嘢，不過，食完一輪沙律、冷盤、凍海鮮，飲少少熱湯暖番個胃。而麵包籃一大個，裡面有好多選擇。
中西式熱盤、即煮檔、烤肉跟住輪到介紹熱食呢個大片區啦，先一口氣介紹晒有啲咩食，包括：芋香臘味炒飯、藥膳雞腳、避風塘富貴蝦、薑蔥炒蟹、即炒青口（配香辣蒜香橄欖油或豉椒炒）、金蒜粉絲蒸帆立貝、鹹魚薑米蒸鱸魚、德國脆豬手、德國香腸、燒烤西冷牛肉、百里香烤羊腿、咖喱雞、紅酒牛肋條、紅燒炆豬手、炒時蔬、蜆介陳皮鯪魚球、大澳蝦醬雞翼、紫菜墨魚餅、大澳生曬鹹蛋黃脆魚皮、雜錦海鮮粥，期間都不時轉款，補充又快，所以，未能盡錄，記得幾多得幾多。
鹹魚薑米蒸鱸魚
13 views
0 likes
0 comments
燒烤西冷牛肉、百里香烤羊腿
12 views
0 likes
0 comments
德國脆豬手、德國香腸
8 views
0 likes
0 comments
大澳蝦醬雞翼
11 views
0 likes
0 comments
紫菜墨魚餅
13 views
0 likes
0 comments
大澳生曬鹹蛋黃脆魚皮
13 views
0 likes
0 comments
老實講，梗喺樣樣都想試啦，但實際就試唔晒，老婆攞啲，我又攞啲，部份嘢就「些牙」吓，務求試多啲。太多嘢就唔逐樣評，整體嚟講，不少菜式都好有質素，富賣點，尤其一堆炸嘢、烤肉、大澳特色菜，確喺好食又特別。喺可惜食完啲熱盤都好飽吓，留少少肚食甜品，所以，就無試個海鮮粥。
生果、甜品甜品主要放晒晌入門口位左邊，兩組凍櫃加個食物長枱，數一數有近廿款甜點，以及兩款生果，仲不時有更新，憑啲相，一次過介紹吓有咩選擇：堤拉米蘇、朱古力卷蛋、鮮果撻、日式芝士蛋糕、黑森林蛋糕、咖啡白朱古力蛋糕、紅桑子慕絲、啫喱鮮果條、士多啤梨慕絲、紅豆綠茶慕絲、焦糖燉蛋、芝麻卷、雪糕、雪條、糯米糍、鮮果西米露、綠豆煎餅、大澳蝦醬雞蛋仔，有成咁多款，應該都好滿足到一般需要。
咖啡、熱茶順便講埋，甜品位再過啲，有兩部自助咖啡機，以及幾壺熱茶、熱水，同埋檸檬，講到食甜品，就點都要拎杯咖啡嚟襯一襯，就算唔喺咩意式咖啡，即磨嘅，只要豆靚都唔差得去邊。
到我去拎甜品時，有啲款式已經無咗，不過，亦加番啲新嘢，而小弟就試咗熱情果撻、芒果蛋糕、紅酒梨、鮮果啫喱、啫喱鮮果條、綠豆煎餅、芝麻慕絲蛋糕、大澳蝦醬雞蛋仔。綜合而言，質素唔錯，雖然無話有啲驚喜款式，但算穩打穩紮。當然，個蝦醬雞蛋仔確喺幾特別。
食完一整碟甜品未夠喉，當然，要拼多一杯雪糕同一枝雪條啦，前者喺Movenpick雪糕，揀咗最心水嘅朱古力口味，而後者有泰國嘅榴槤雪條，一定揀佢啦。Movenpick雪糕果然喺質素保證，幼滑富奶香，朱古力味好濃郁，榴槤雪條質感軟滑，榴槤味夠晒突出。
Movenpick雪糕、泰國槤雪條
12 views
0 likes
0 comments
Post
