兩合特色餐廳

Open Now

Now Closed

話說放工肚餓，周圍冇乜野食，又唔想行，就貪方便去呢度食。叫咗一個京都炸醬麵，一上枱，碗野的醬係鮮紅色，心知不妙，不同平常食開的橙色，炸醬也不像，係肉絲炒面的肉絲，一入口完全唔係果回事，不如叫茄汁肉絲麵，真係超級不似預期，我只係想食一碗正常普通的京都炸醬麵，唔識整好心唔好拿出來賣，好彩仲有碗正常既湯可以用來洗麵洗走晒啲醬。呢間野上次食艇仔粥d材料都係古古怪怪，無端端會有魚片，但又冇咗大路野。 如果想挑戰味蕾，不妨一試。如果想放工食個平常飯，建議响呢度食返啲茶餐廳野比較穩陣。