牛扒先生 (Closed)

去到Mr. Steak Cafe，侍應話若食滿$250，可以減$50，所以決定食Mr. Steak Cafe。我揀2個自由配搭套餐，頭盤要意式蕃茄燴藍貝和蒜香一口雞翼。Main course要茄汁炒田螺扁麵(伴焗亞拉斯加蟹腳) ($129)和烤海陸什扒拼盤(烤大蝦、羊扒、肉眼扒、牛扒、香腸) ($168)。另外，配餐飲及甜品。ka ho將一杯餐飲轉紅酒(加$20)，我就要熱檸水。甜品我揀朱古力葡萄酒心蛋糕和焗杏梅撻。頭盤意式蕃茄燴藍貝蕃茄味夠，但藍貝唔夠爽口蒜香一口雞翼冇咩特別，油多Main course烤海陸什扒拼盤(烤大蝦、羊扒、肉眼扒、牛扒、香腸)，配薯菜賣相好靚，但肉眼扒話要6成，但起碼變8成，所以韌，大蝦燒得好，但個燒汁有濃味茄汁炒田螺扁麵(伴焗亞拉斯加蟹腳) 勁正！個亞拉斯加蟹腳好好味，茄汁炒田螺扁麵酸酸甜甜，好醒胃甜品焗杏梅撻撻皮夠鬆脆，加埋杏梅好正朱古力葡萄酒心蛋糕唔太甜，好香蛋糕味，又夠鬆軟我好早食dinner，所以得幾，冇咩人，感覺好舒服。喱度地方雖然唔算大，但環境唔錯，侍應服務幾好，經常替我加水。