壹蒸鍋

兆萬出名多食肆，好幾間我都食過了，今日帶 friend 食新野，就係呢間壹蒸鍋了。佢既特色係好大盤的十種八種時令海鮮用蒸籠來煮，然後D精華就會滴落去粥底。咁個粥咪自然好夠鮮甜囉！你睇，盤海鮮都好壯觀架！真係見到都流口水。每個枱面都會有個計時器，蒸十分鐘便食得了。鮑魚，緊緊熟，唔韌又好鮮味。我加左D自製辣醬上去，份外惹味。龍蝦身就啖啖肉，龍蝦頭就爆多膏，都係啱啱好熟，好鮮甜好得噃！元貝夠大隻，又入味，但是煮得耐左少少，影響口感。蟶子都over 左，一般啫⋯⋯其實將不同海鮮放入去一齊蒸，都真係會有此問題，要諗諗點解決喎。蒸蠔多蒜蓉夠肥美，有海水鮮味。食左咁耐，其實呢D只不過係頭盤咋！佢仲會有一張蒸品或配料可以無限追加，食到幾多就睇你個胃有幾大啦！龍蝦頭我留返來煲粥，因為貪佢夠多膏。之後我地就隨便 order 左D牛肉呀、蝦呀、蜆呀、菜呀之類，加曬入去就ok 了。我就整左碗自家制牛肉蠔仔龍蝦粥，十分滿意。飮品同甜品例如雪米糍同雪條都是任食的，埋單二百頭，食足兩個鐘，好滿足。