The Petit Café (Closed)

喺大型商場想搵唔係集團經營嘅咖啡店應該冇咩可能😂 呢間cafe雖然都係大集團旗下，不過唔緊要，佢嘅食物同咖啡質素一啲都唔差呢間有三文治，pastry同沙律提供。小編去過兩三次都係食佢個沙律，因為三文治同pastry喺pp同地鐵站唔少舖都有，同埋啲沙律都已經係pack好哂咁賣，所以反而係為左佢個自選沙律而黎。沙律有兩個size揀，大嘅$80左右，可以揀5款：細嘅平二十蚊左右，但就細好多同少啲選擇。小編係同朋友share嘅，所以就叫左個大嘅，其實都食到好飽😂 佢有8-10款沙律簡，唔怕揀唔啱口味。小編最鍾意個pesto長通粉，味道唔濃唔淡，啱啱好 其次就係西蘭花，粒粒都好大😂 其他都好食，未食過不妨試下。佢堂食同外賣都係比紙盒，環保人士可以自備食物盒呀小編淨係飲過espresso，都ok嘅，唔可以expect係獨立咖啡店嘅味道。呢度平日lunch time會非常多人，好難搵位，所以同朋友一齊最好就早啲去，或者外賣去出面平台坐，同埋堂食都會比較嘈同好密集，未必坐得舒服，非繁忙時間坐喺度食野同做野都係唔錯嘅選擇。