翠河餐廳 (Closed)

喺美孚揾地方食午餐，原本想去大家樂食焗豬扒飯，但係遠遠見到條龍排到出行人路，因為唔想排隊，所以去左對面嘅呢間翠河，諗住可以食佢嘅咖哩鷄飯，點知坐底之後發覺居然仲有唔少人食緊早餐，望下隻錶已經差不多十二點，奇怪之下再望一望餐牌，haha,原來早餐喺至到十二點，於是即刻叫個早餐(當係午餐食)，有煎蛋丶厚多士丶火腿片丶沙嗲牛肉米粉丶加埋一杯咖啡(係即磨咖啡，唔係用咖啡粉沖嗰隻)，都只係$31(慳返唔少㗎)，仲好飽肚唷。