瀛豐放題料理專門店 (Moved) New Location

瀛豐 - 中日泰放題料理專門店今日嚟到銅鑼灣一間放題專門店，環境寬敞、大大落地玻璃窗，光線充足，配以梳化椅。食物主打港、日、泰式放題，多達180款食品。120分鐘至尊大閘蟹晚市放題 $499/位唔經唔覺就嚟到秋天啦，餐廳推出左期間限定嘅太湖大閘蟹，每隻足三兩半至四兩重，而且仲要係爆多膏嘅添！再升級推介 +$138/位鍾意生蠔、海膽同帶子嘅朋友就一定要追加升級版本了，因為可以任食，食番夠本，鮮甜嘅海膽加上厚身嘅帶子，兩者海中嘅美食，天衣無縫嘅配搭！仲有啖啖肉海水味重嘅愛爾蘭生蠔添！再重要再重要嘅係可以任飲Asahi啤酒!!首先當然食刺身喇，種類繁多，有必食既三文魚、油甘魚、赤蝦等等，最驚喜是有泰式生蝦添！壽司種類亦一應俱全，有手握壽司、卷物、火炙壽司等，必食海膽醬火炙蟹棒、海膽醬火炙三文魚，鮮味十足！天婦羅、炸物和燒物也有照顧到，串燒值得一提是泰式口味，燒元貝、魚露燒蝦和炭燒豬頸肉，最後有多款泰式主食小食任君選擇。