Burgerman (埃華街)

Open Now

Now Closed

屋企今日無飯，放工行去大角咀搵野食，見到呢度人唔太多，唔洗等甘耐，又貼有openrice 優秀餐廳，應該唔會差掛，就試下！叫左一個至尊漢堡餐果然係至尊，勁大個！有生菜、蕃茄、兩塊漢堡、芝士、蛋同煙肉！一啖咬？無可能啦要分開一層層食，餐廳都好貼心，準備埋膠手套俾客人。全部野食即叫即整，熱勅勅，所以都要等十分鐘到。個包好脆，料多過包最底層個包吸晒啲肉汁！漢堡好大舊，無煎到全熟，中間會有少少紅，正因為甘，肉唔會好鞋，仲好juicy加埋生菜同蕃茄，清新啲，唔會太濟。薯格好脆，亦好多塊，枱上有茄汁或辣同唔辣既沙律醬點。美國進口蜂蜜飲品可選汽水，椰青水或其他飲品呢個要加十蚊較為甜，但個樽幾靚，所以吸引左水牛城雞翼炸到好脆，個汁辣辣地，雞翼有奄過，但唔太濃味，唔錯！總括黎講，野食幾好食，份量亦多，我一個人都唔係好食得晒，但又想試多啲野，結果食到漲晒