Video
Read full review
2023-12-11
72 views
就到聖誕又可以同朋友仔gathering食吓玩吓，第一時間就諗起有得玩又有得食燒肉嘅 親子餐廳！再嚟炑八食韓烤，大人就舒舒服服慢慢燒🥩，又可以望住playroom睇住小朋友放電，依家 觀塘 分店重開波波池，細妹同朋友玩得好盡興！小朋友除咗有得玩，仲有 聖誕主題兒童餐 應吓節。Ho!Ho!Ho! 聖誕老人🎅🏻飯團便當 真係好可愛呀，色彩繽紛。仲有另一款 聖誕小跑車 都係小朋友鍾意嘅炸雞翼、飯團🍙同魚糕串😋大人都要食好嘢，點咗個 人蔘雞湯 暖吓胃先。再order 塊靚嘅 韓牛前胸肉，雪花平均分布，肉質嫩肉脂香。而每次都會叫 牛小排，一碟有3種韓式秘製醬汁味道，用生菜包住食最滋味！另外燒到兩面都脆卜卜嘅 香烤豬五花，同香甜梨汁醃製嘅 梨汁雞腿肉 都好吸引！為咗小朋友開心，仲專登點咗 Kitkat 做主題嘅 朱古力趣脆窩夫，同埋Kitkat 朱古力忌廉沙冰，兩款都有KitKat朱古力條做配搭。如果想飲fresh啲嘅，都可以試吓士多啤梨奶昔。依家聖誕月份，就梗係要order一杯 聖誕薑餅人棉花糖朱古力 啦！晚飯其間我哋仲做咗個聖誕裝飾手工workshop，免費嘅👏🏻問開店員，原來聖誕節期間(23
小朋友除咗有得玩，仲有 聖誕主題兒童餐 應吓節。
Ho!Ho!Ho! 聖誕老人🎅🏻飯團便當 真係好可愛呀，色彩繽紛。
仲有另一款 聖誕小跑車 都係小朋友鍾意嘅炸雞翼、飯團🍙同魚糕串😋大人都要食好嘢，點咗個 人蔘雞湯 暖吓胃先。
再order 塊靚嘅 韓牛前胸肉，雪花平均分布，肉質嫩肉脂香。
而每次都會叫 牛小排，一碟有3種韓式秘製醬汁味道，用生菜包住食最滋味！
另外燒到兩面都脆卜卜嘅 香烤豬五花，同香甜梨汁醃製嘅 梨汁雞腿肉 都好吸引！
為咗小朋友開心，仲專登點咗 Kitkat 做主題嘅 朱古力趣脆窩夫，同埋Kitkat 朱古力忌廉沙冰，兩款都有KitKat朱古力條做配搭。
如果想飲fresh啲嘅，都可以試吓士多啤梨奶昔。依家聖誕月份，就梗係要order一杯 聖誕薑餅人棉花糖朱古力 啦！
晚飯其間我哋仲做咗個聖誕裝飾手工workshop，免費嘅👏🏻問開店員，原來聖誕節期間(23-26號)仲有聖誕老人出巡、表演魔術、派禮物，仲有薑餅人曲奇DIY！
Post
