北角四眼妹美食屋 (Closed)

下午茶時候好多時都想一點不太飽的東西，一底熱辣辣嘅雞蛋仔就最適合我呢個吃貨。佢有幾款口味，包括:原味、朱古力味同綠茶味，真係款式多籮籮，搞到我心思思咩都想試吓。於是我就叫左原味，啱啱烘好，非常之脆身，每一粒搣出嚟嘅時候，中間仲係軟綿綿好彈手！裏面絕對唔係空心，而係有蛋白空氣嘅口感，我最鍾意食呢一款雞蛋仔。仲有叫咗佢嘅燒賣魚蛋，燒賣好彈牙！魚肉果然係夠晒煙韌，上面仲有啲芝麻鋪喺面，加埋豉油香噴噴，忍唔住食多幾粒。下次嚟要再試下佢另外嘅格仔餅。