泰軒美食 (Closed)

死啦，原來我一直攪錯+.+" ... 因為我一以黎都以為呢間就係泰式小食館！攪亂晒添！(因為平時係叫外賣加上唔係我去買，所以無咩點留意個名。咁都搞錯，好肉酸添=.="睇度"搵黎緊係食啦" o係泰式小食館食評入面既相(咖喱飽果個)，今日去左幫襯，發現唔係我平時果間，先知原來西灣河太安樓入面原來有2 間泰式餐廳！)Anyway, 我鍾意呢度(泰軒美食) 既泰式炒金邊粉，味道同九龍城熟食果度差唔多，但飲品就一般(我最鍾意係旺角新世紀food court 果度既泰式特飲，果度既豬頸肉撈檬都好得！)。由於我次次都係叫呢度既泰式炒金邊粉做宵夜，所以暫時無其他推介，下次有機會會試多d，再同大家分享。順帶一提，呢度關好晏，1:00 都仲有人的。