The Luxe Seafood Bar & Resto (Closed)

由於突然好想食生蠔，所以今晚我們去咗旺角朗豪坊嘅「The Luxe Seafood Bar & Resto」食以生蠔為主題嘅自助晚餐！一坐低第一件事，我們就即刻去咗攞我們至愛嘅生蠔！生蠔相當肥美肉厚，而且非常新鮮，味道超鮮甜！我們差唔多每人食咗十幾隻，真係超正呀！除咗生蠔以外仲有刺身三文魚同甜蝦，不過我們只係食到甜蝦，因為三文魚只係出咗一次，一出就畀人攞極速咁攞晒！其他嘅海鮮有凍蝦、翡翠螺同青口！凍蝦嘅肉質好鮮甜彈牙！翡翠螺嘅肉質好爽甜彈牙！羅宋湯都幾足料，味道亦幾濃郁！喇沙嘅湯底味道好香濃，米粉吸收晒湯汁嘅味道，都幾惹味！其他食物款式種類唔算太多，但味道都算不過不失！