Video
Read full review
2021-10-01
83 views
星期二晚同朋友嚟咗元朗呢間老闆火鍋冰室打邊爐，個名好霸氣，一入到去環境都幾特別、懷舊，侍應態度幾熱情。嗰日想食清清地，所以就冇揀重慶雞煲，而係揀咗藥膳雞煲，湯底一上到就聞到好香嘅酒味，令人非常期待。我哋叫咗半隻雞、手打蝦丸、松露醬墨魚釀鮮冬菇。因為佢啲小食好吸引，所以難得地打邊爐只係叫咗好少放入去嘅餸，反而小食叫得好多。小食方面，我哋叫咗墨魚脆炸油炸鬼、流口水臭豆腐、櫻花蝦蒜味四季豆、麻辣手拍青瓜。飲品方面，我哋就叫咗大嘅水果茶，超大一渣，兩個人完全夠飲。嘢食方面，樣樣都好有質素。要揀今日頭三VIP，我就會揀1.墨魚脆炸油炸鬼、2.松露醬墨魚釀鮮冬菇同埋3.水果茶。墨魚脆炸油炸鬼物如其名，真係香脆彈牙，絕對值得為呢個小食再嚟呢間火鍋店！
嗰日想食清清地，所以就冇揀重慶雞煲，而係揀咗藥膳雞煲，湯底一上到就聞到好香嘅酒味，令人非常期待。
我哋叫咗半隻雞、手打蝦丸、松露醬墨魚釀鮮冬菇。因為佢啲小食好吸引，所以難得地打邊爐只係叫咗好少放入去嘅餸，反而小食叫得好多。小食方面，我哋叫咗墨魚脆炸油炸鬼、流口水臭豆腐、櫻花蝦蒜味四季豆、麻辣手拍青瓜。飲品方面，我哋就叫咗大嘅水果茶，超大一渣，兩個人完全夠飲。
嘢食方面，樣樣都好有質素。要揀今日頭三VIP，我就會揀1.墨魚脆炸油炸鬼、2.松露醬墨魚釀鮮冬菇同埋3.水果茶。墨魚脆炸油炸鬼物如其名，真係香脆彈牙，絕對值得為呢個小食再嚟呢間火鍋店！
Post
