Tipsy Tap (Closed)

朋友最近喺尖沙咀發掘咗間新酒吧🍻，話要開心share，今日就去睇下佢發掘咗啲咩先...我哋一坐底，店員就好主動過嚟介紹，佢話牆上會list咗Top 20嘅飲品，仲會喺旁邊列明每款嘅酒精濃度，客人可以隨自己喜好揀酒精濃度，Top 1-19都係手工啤酒，唯獨Top 20係一款佢哋自家製嘅發酵茶，係以著名嘅TWG Midnight hour茶葉小批🌱量釀造，味道淡淡哋幾清新，我都試咗呢款。如果大家都仲係無idea想飲咩，又心思思唔知係咩味，唔駛怕，呢度可以比客人試2-3款酒🍹🍸，保證你揀到隻啱飲😝。朋友揀咗款Top 2 嘅Winterpopo，蜂蜜味🐝🍯溝酒味，味道都唔錯喎！呢度除咗有酒飲，都有啲主食同小食，我哋叫咗一個主菜，一個小食。芝士🧀蟹肉🦀釀磨菇：呢個小食啱晒，total 6粒，細細粒咁，一口一磨菇，啲蟹肉好軟滑，釀滿成個磨菇，而且面頭仲鋪咗好多芝士，perfect match😚。煙煮煙熏燒烤豬肋條：採用慢煮嘅豬肋條，肉質特別稔，煙熏味重，伴碟薯條又夠脆，仲可以加$20升級秘製黑松露薯條🍟。通常酒吧都只係著重飲品，好難得呢度食物同飲品都keep到水準👍。