八分廚

Open Now

Now Closed

朋友生日，唔想又去吃放題buffet 之類，上網搵吓睇吓有咩新餐廳可以試吓，唔覺意搵到呢間八分廚，就打去問吓資料。一問之下原來佢地每晚只做一個party，咁就啱晒啦，夠private。但係佢地有minimum charge $4200，雖然我哋得五條友，不過老死生日，食豪啲啦！工廈上樓環境都算幾okay，去到門口見到有幅油畫響鐵閘幾吸睛，原來係佢地人手畫㗎，幾有意思。開門一入就係用餐位置，唔怪之得每晚一個party，因為地方真係唔大，但係感覺舒服乾淨，而且私隱度真係好高，至愛。到食物喇，四個字：實而不華！完全同響酒樓或者一般嘅中餐好唔同，無乜出晒煙五顏綠色嘅擺盤，但每一味都好精彩，而且有好窩心嘅感覺，可能同廚師會成日走出嚟同我地傾兩句有關。最後仲有生日驚喜，熄哂燈播埋生日歌比壽星仔切蛋糕吹蠟燭，由於冇其他人在場，完全可以盡興！想搵新地方又鍾意私竇嘅朋友，一定要嚟試吓。