盛記粥麵

Open Now

Now Closed

陪朋友去廣華醫院探病，有啲肚餓行咗去花園街搵野食，去咗間粥麵店，天氣凍食碗粥暖下肚都好，盛記粥麵之前係佐敦食過好好味，今晚就試吓呢間。餐廳地方乾淨，燈光明亮，座位都舒服。盛記招牌雲吞麵：湯底真材實料，用大地魚、蝦殼、豬骨、金華火腿和羅漢果熬製而成，味道清香鮮甜，雲吞餡料用肥、瘦豬肉、鮮蝦仁，再加入大地魚碎同蛋黃，金魚尾形狀的雲吞粒粒飽滿，口感滑溜又爽口。麵條彈牙爽口。盛記艇仔粥：粥底綿滑，材料上乖，非一般嘅約艇仔粥，有魚肉片、海蜇、魷魚、瘦肉等非常足料，食落爽口鮮甜又綿滑多重口感。炸鯪魚球： 即炸熱辣辣，味道甘香爽滑，醮蜆芥食特別和味。鮮蝦腸外貌晶瑩剔透，鮮蝦大隻爽口，加點醬油味道鮮甜。凍咖啡甘甜順口。凍豆漿有一股濃濃的自然豆漿香，而且入口順滑。