PizzaExpress (新城市廣場一期)

Open Now

Now Closed

今日去開沙田新城市廣場shopping，正當行到有啲餓意，又好似好耐無食pizza。上openrice serach到原來有間Pizza Express，咁就擇日不如撞日，食咗先講。焗麵包球配牛油同香草醬，眼見差唔多每張枱都必點嘅前菜小食。麵包被烘暖後沾上香草醬，個人認為係perfect match。意式焗肉丸店員温馨提示小心碰到鐵盤，因為真係啱啱焗好，熱辣辣送上枱，肉醬香濃，食完一粒又想食第二粒，停唔到口。仲要配埋香草包，非常抵食。海鮮沙律材料可能比沙律菜還要多，柚子、青瓜、車厘茄、大蝦、魷魚、煙三文魚，真係多到數唔哂，食落清新又開胃。蜜糖雞肉薄餅一堆我最愛嘅香料，包括迷迭香、羅勒、檸檬角，同香濃意大利煙肉，甜甜嘅蜜糖雞肉配合起嚟，又香又甜，老少咸宜之選。蟹肉白酒汁意粉無花無假，真係有一梳梳蟹肉㗎，調味亦恰到好處，無過咸或太辣，非常惹味。Tiramisu由於食前菜主菜都已經七分飽，所以今日只係叫咗一個甜品share就夠lu。造型精緻，上層有邪惡朱古力粉，底層則係濃濃咖啡味，一款集視覺、嗅覺、味覺於一身嘅作品。Cappuccino 送上枱已經比佢嘅香氣吸引😌杯面嘅cream又香又滑。凍