Video
Read full review
2021-04-08
215 views
帶埋仔仔同婆婆去荃灣廣場睇戲，接住落搵好嘢食。芙蓉街新開左一間文青餐廳，門外睇到格局非常清新，好友文青feel。見到年青女孩子坐在門口露天吧枱的情景，好似拍戲咁。估唔到婆婆都話想試番杯靚咖啡，於是決定同呢位扮文青嘅婆婆一齊入去試菜。食物種類唔算太多，但款款都好吸引。Order左三客午餐，每份包主食及一杯飲品。一客 黑松露貝夏媚白醬蟹肉手工千層麵，賣相相當吸引，扮文青嘅婆婆突然提高警覺，話聞到好大浸漏煤氣味。笑死我哋，其實係黑松露醬嘅味道。另一款都係黑松露牛肝菌燴飯，食食吓，婆婆都話呢浸味好香港特別。另一款係本菇雞肉意粉配溫泉蛋，溫泉蛋伴着意大利扁身麵條，溫泉蛋吉穿咗流出嘅蛋漿絆住意粉食非常濃香。跟餐叫甜品會減$10 ，我哋叫咗一盒雞蛋布甸配鮮無花果，我仔話好味到不得了，雞蛋布甸好香滑，配上嗰啲焦糖醬非常好味。我試過黑仔嗰杯凍朱古力都幾香濃。我同婆婆就扮文青，人叫咗杯White Flat ，好好飲。順帶一提，見隔離枱兩個妹妹仔笑騎騎、密密斟，不時向着沖咖啡師傅方向望去。我又專登望吓，原來係咁⋯⋯
估唔到婆婆都話想試番杯靚咖啡，於是決定同呢位扮文青嘅婆婆一齊入去試菜。
食物種類唔算太多，但款款都好吸引。
Order左三客午餐，每份包主食及一杯飲品。一客 黑松露貝夏媚白醬蟹肉手工千層麵，賣相相當吸引，扮文青嘅婆婆突然提高警覺，話聞到好大浸漏煤氣味。笑死我哋，其實係黑松露醬嘅味道。
另一款都係黑松露牛肝菌燴飯，食食吓，婆婆都話呢浸味好香港特別。
另一款係本菇雞肉意粉配溫泉蛋，溫泉蛋伴着意大利扁身麵條，溫泉蛋吉穿咗流出嘅蛋漿絆住意粉食非常濃香。
跟餐叫甜品會減$10 ，我哋叫咗一盒雞蛋布甸配鮮無花果，我仔話好味到不得了，雞蛋布甸好香滑，配上嗰啲焦糖醬非常好味。
我試過黑仔嗰杯凍朱古力都幾香濃。
我同婆婆就扮文青，人叫咗杯White Flat ，好好飲。
順帶一提，見隔離枱兩個妹妹仔笑騎騎、密密斟，不時向着沖咖啡師傅方向望去。我又專登望吓，原來係咁⋯⋯
Post
