Lockeroom Dining (朗晴坊) (Closed)

收工最好當然就係同朋友搵個地方食吓飯，朋友約了這間有主題嘅餐廳食飯，主題就係店內老闆同好嘅球隊，我個人唔係好好足球，但都覺得店內裝修用心，還放了大量珍藏，朋友邊望環境邊望餐牌，我就主力係肚餓搵食！點了個卡邦尼意大利麵配溫泉蛋朋友就係要了個鮮羅勒香蒜煙肉芝士腸蝴蝶粉，兩個人都加多個咸蛋黃小食拼盤！落單後先上個沙律，加埋個醋汁夠晒醒胃！接住香脆蒜蓉多士，同埋個香濃蕃茄湯跟住上。咸蛋黃小食拼盤，上面咸蛋黃一啲都唔少，每樣都沾滿咸蛋黃，有香脆薯角、香脆雞翼、脆口洋蔥圈、同埋煙韌彈牙嘅德國香腸、還有外脆內軟嘅薯絲蝦，小食拼盤十分美味，份量十足！主食卡邦尼意大利麵配溫泉蛋，中間有隻蕩漾嘅溫泉蛋，混埋落去個意粉內更加香滑，本身意粉夠晒彈牙爽口，沾滿了卡邦尼醬汁外還有少少嘅煙肉同香菇，真係一個唔錯嘅選擇！朋友嘅鮮羅勒香蒜煙肉芝士腸蝴蝶粉都十分大碟，上面撒滿了鮮羅勒，食了一匙羹，蝴蝶粉亦十分煙韌彈牙，味道夠晒香濃，都係一個唔錯嘅選擇！最後還有餐飲，當然嘆杯香濃咖啡再聽吓朋友介紹他支持嘅球隊啦！