Video
Read full review
2023-07-01
81 views
難得約朋友去一間坐得舒適環境潔淨嘅餐廳享用晚餐，突然想吃日本菜，當作去了一趟日本🇯🇵，經過一間新開張的日本壽司餐廳-立鮨 @sushitachihk ，上網睇佢嘅總店其他地區嘅分店評價不錯，裏面還有位置就決定試一試吧。自從幾年疫情去到餐廳都係用QR code掃描喺手機下單，可以說是方便之餘，這裏的下單目錄更可以看到食物圖片，讓客人一目了然。坐到吧枱自己因應綠茶嘅濃度加添綠茶粉，再自行斟熱水，好方便。火炙大吞拿魚腩海苔壽司是我最愛，師傅將大大塊紫菜上放上壽司飯，以及經過炙燒的肥美大吞拿魚腩，這個部位的油份比較重少少，配上京蔥芝麻碎食落去更香，一啖放落口猶如入口即溶。深海池魚壽司魚肉厚刺少，肉質鮮嫩肥美且脂厚油香，入口魚油甘香細膩。最抵食嘅係三文魚壽司只係$9/件，而且三文魚好大片，條紋好平均。還有火炙松葉蟹腳壽司燒一燒更香。唔想淨係食壽司咁寡，呢一碗海老濃湯櫻花蝦迷你鳥冬就啱晒我哋，材料非常豐富份量好多，除咗有紅色的櫻花蝦之外，還有蔥花、洋蔥、豆腐卜等，烏冬煮得恰到好處有咬口，而且入味。食咗牡丹蝦壽司仲有個蝦頭用嚟燒一燒，蝦頭配鮮蝦味噌湯好香濃，與一般嘅麵豉湯大不同。最後一個桃味雪葩，甜
難得約朋友去一間坐得舒適環境潔淨嘅餐廳享用晚餐，突然想吃日本菜，當作去了一趟日本🇯🇵，經過一間新開張的日本壽司餐廳-立鮨 @sushitachihk ，上網睇佢嘅總店其他地區嘅分店評價不錯，裏面還有位置就決定試一試吧。
自從幾年疫情去到餐廳都係用QR code掃描喺手機下單，可以說是方便之餘，這裏的下單目錄更可以看到食物圖片，讓客人一目了然。
坐到吧枱自己因應綠茶嘅濃度加添綠茶粉，再自行斟熱水，好方便。
火炙大吞拿魚腩海苔壽司是我最愛，師傅將大大塊紫菜上放上壽司飯，以及經過炙燒的肥美大吞拿魚腩，這個部位的油份比較重少少，配上京蔥芝麻碎食落去更香，一啖放落口猶如入口即溶。
深海池魚壽司魚肉厚刺少，肉質鮮嫩肥美且脂厚油香，入口魚油甘香細膩。
最抵食嘅係三文魚壽司只係$9/件，而且三文魚好大片，條紋好平均。還有火炙松葉蟹腳壽司燒一燒更香。
唔想淨係食壽司咁寡，呢一碗海老濃湯櫻花蝦迷你鳥冬就啱晒我哋，材料非常豐富份量好多，除咗有紅色的櫻花蝦之外，還有蔥花、洋蔥、豆腐卜等，烏冬煮得恰到好處有咬口，而且入味。
食咗牡丹蝦壽司仲有個蝦頭用嚟燒一燒，蝦頭配鮮蝦味噌湯好香濃，與一般嘅麵豉湯大不同。
最後一個桃味雪葩，甜一甜滿足一下。
立鮨 - 大埔超級城A區1樓012C號
#大埔立鮨 #香港壽司
Post
