DK1885 (Closed)

灣仔有一排少咗去，大家知咩事啦。近排好啲啲，咁都可以正正常常行吓電腦商場同埋就近搵嘢吃，今日就來咗修頓隔離呢間『北越菜』鋪頭吃嘢。鋪頭唔大，但裝修都幾有特色，幾把吉他掛喺牆是鋪頭的標誌吧。首先叫咗個『香草野菜燒牛柳沙律』，生熟交替，特別得來又好食，牛柳薄薄哋但大大塊，好香口。第二道菜系『海防手口墨魚餅』，手工做更加煙韌，驚喜在好大舊墨魚粒在其中，仲要係越南直送過來，來呢度必吃，因爲第二度未必吃到。辣酒煮花螺吃得多，但今日吃嘅『椰汁喇沙葉煮海螺』亦很過癮，濃濃的椰汁，有咬口又新鮮的海螺原來咁夾。跟住都要吃D飽肚嘢，佢就係『老街魚露燒豬肉伴檬粉，一碟有6舊檬粉，睇似平平無奇，但當你拿起一舊檬枌放入小碗，放上青瓜，香葉再加D魚露和香口燒豬肉一齊吃，簡直係美味無比。