囍雲軒 (雙子匯1期)

Open Now

Now Closed

知道最近呢度新開咗中菜餐廳所以同屋企人嚟呢度慶祝生日同埋試一試佢哋嘅晚餐。當天預備咗生日蛋糕，少有嘅中菜餐廳係唔收切餅費，非常友善！我哋單點咗幾款招牌嘅菜式，份量唔小，而且都幾好食。大龍躉兩味 $298分別係翡翠炒龍躉以及清蒸班頭腩翡翠龍躉係用西蘭花炒，食落乾爽同香口。熱清蒸班頭腩，以雲耳及香蒜蒸，特別鍾意佢個魚皮，膠質好厚，好重身，超嫩滑！魚肉厚身，多肉多汁。明爐叉燒王 $198以火山石隻燒叉燒，食法相當招積！上菜有一個火爐承載住，叉燒厚肉鬆脆，蜜糖汁包圍着叉燒，香甜又多汁，微微燒焦包咗喺叉燒面層食落脆口，相當滋味。上湯澳洲龍蝦仔伊麵 $348澳洲龍蝦多肉多汁，肉質爽甜，入口啖啖肉，但又海水鹹鮮，超級正！ 蝦嘅肉汁配上上湯撈埋落伊麵度，食到停唔到。果皮蒸大連鮑魚 $148鮑魚共有六隻，每隻都大大粒，好厚肉。上面鋪上好多果皮，以及蒜蓉金菇粉絲墊底，索晒啲汁。鮑魚肉質紮實彈牙，唔錯！乳鴿 $116乳鴿略嫌細隻，唔多肉，肉質唔夠結實。