大川滬 (Closed)

初來土瓜灣區報到，附近都有唔少隱世又高質的美食，比起連鎖店吸引得多。橫街中有一間甚有看頭的上海餐館。估唔到入面仲有私人包廂，環境都唔錯。晚市除咗單點，有唔少的套餐選擇，二人餐都算係非常之抵食同豐富，有齊前菜、點心、主菜、湯羹同甜品等等。小籠包好多汁好美味。粟米羹係真材實料。個雞煲都有唔少驚喜，唔係傳統的川式麻辣，而係上海菜系獨有的風味，幾惹味。蔬菜都好新鮮。甜品亦都係有誠意之作，令人感覺幸福。整體質素都唔錯的上海餐館，值得再來。