火井火鍋海鮮飯店 (Moved) New Location

前日同幾個朋友一行6人去打邊爐,我地就去了火井火鍋。其實我有半年沒有來過，今晚我想食海鮮為主。我地去到問伙記有什麼推介…經伙記介紹推介我地食招牌湯底有好多料，味道都非常濃郁。花蝦刺身、竹聖子、星班同埋鮑魚，我照單全收。花蝦刺身-- 我覺得非常殘忍，因為蝦頭仲會彈下彈下，但味道就非常鮮味。雖然$158有四大隻，但都非常抵食！鮑魚-- $98 一隻四頭鮑非常新鮮，總括海鮮都非常新鮮！另外我再叫墨魚滑彈牙新鮮，水準依舊。特級牛頸脊-- 肥廋均衡.非常好味，伙記介紹我地食牛胸，我都未食過，見到好似肥糕有D都得人驚，但原來非常爽脆，牛味濃郁值得推介。另外我再叫一個鯊魚丸，但我就覺得冇以前咁好啦。伙計D招呼唔錯，地方都幾舒適，大家都食得好開心，每人埋單都係$210。都算抵食，我都會再帶朋友食。