金雞去骨海南雞專門店

Open Now

Now Closed

大概兩年前我嚟過呢度食海南雞飯，果次一食驚為天人，所以今次我對佢有比較高嘅期望。有外面睇你淨係見到一個大大嘅招牌，裏面環境比較細，只係有幾張枱，但係勝在啲餐黎得快人又食得快，所以人流都OK。我見今次入去老闆娘都唔喺度，有兩個後生仔喺廚房裏面煮，可能因為開咗分店老闆娘會向另外果兩間分店度做 ？我真係唔太清楚。坐低左嗰位泰國婆婆好快來take order，服務態度好好而且見我哋多嘢攞多咗張凳俾我哋擺袋添。話咁快間海南雞飯嗰個南瓜湯就嚟啦！同兩年幾前飲一樣咁好味，清熱下火冬天或者夏天飲都一樣咁好。不過湯好似比以前少左d。海南雞飯好快就到啦，個樣擺得冇以前咁靚，個飯散左少少不過可能午飯時間比較多人，所以冇辦法做得咁靚。海南雞飯食落冇咗以前果種驚喜，個飯嘅雞味都出嚟，啲雞都OK。去咗皮嘅雞肉冇乜雞嘅鮮味，但係有雞皮雞肉就好味啲。比起兩年前食好似差左少少因為個雞冇以前果種爽口同埋雞鮮味。可能我美化左以前嘅經歷但係今次食落個海南雞飯有啲平平無奇，但係飲嗰啲汁就好好味。特別喜歡佢有少少辣嘅醬汁，應該就係嗰個泰式醬汁啦。