榮華茶餐廳 (Closed)

今朝早要去深水埗行一轉，順便喺㺯弓食埋早餐。但朝早有好多餐廳都未開，所以都係揀番啲茶餐廳食。喺openrice 睇到間榮華茶餐廳，望落去唔似新開嘅茶記，應該有啲保證，就決定去試一試。每去到未食過嘅茶記，例牌會嗌早餐A試吓。多士即烘加分，蛋即煎唔會凍冰冰，反蛋得嚟蛋黃仲會流出嚟，加分。火腿通粉就正常，熱辣辣咁樣。熱檸茶，茶味夠香，係舊式茶記用茶膽先沖到出嚟。總括而言，無中到伏，環境算乾淨，正常茶記服務。