鳳城酒家

Open Now

Now Closed

今個星期終於有時間跟屋企人去飲茶。呢次就去左父親大人去開嘅鳳城啦。呢間野其實平時都幾full下嫁，一係就早d訂位，一係就要早d攞位啦。呢間酒樓已經好耐歷史，食物嘅水平亦一直keep住，十分抵讚。今次就想特別推介3樣菜色啦。蝦多士係我細細個已經好鐘意食嘅野，咁多年都無變過，一樣都係咁好食，完全無失望，加埋沙津醬簡直一流。馬拉糕又係我好鐘意嘅一道點心。佢係比較懷舊嗰隻，味道又唔會太甜，好值得推介嘅。而第三樣就係紫米露，佢係熱嘅，紫米粒亦唔會太硬，就算有老人家都好啱食嘅。呢間係一間好有人情味嘅酒樓，侍應都好親切。其實呢類型嘅酒樓都已經買少見少啦，所以有機會真係要去試下啦！