Read full review
2020-10-27
260 views
今晚約咗同我一齊喺慈雲山讀中學嘅朋友食飯,畢業之後都無返過嚟,今晚就揀咗慈雲山新開嘅時代冰室敘舊。今晚大家都做咗食肉獸,我叫咗重量級美國西冷牛扒配燒汁意粉,西冷扒七成熟,啱啱好,唔太生,但係亦都有豐富嘅肉汁。特別係牛筋嘅部份,係我最鍾意嘅。我朋友叫咗厚切豬扒拼司華力腸,配蒜蓉汁薯菜。大大份嘅鐵板餐,未食都覺得好滿足,而且仲有老火湯。話明敘舊傾偈,當然叫杯野慢慢飲啦,我就叫咗奶茶紅豆冰,朋友就叫咗華田脆脆冰。我第一次飲奶茶加紅豆冰,幾特別。食咁多肉,我哋各人都叫咗個沙律平衡返一下,分別叫咗個夏日菠蘿蟹棒雜菜沙律,同埋蜜桃甜薯雜菜沙律。沙律份量超大,好抵食。我特別鍾意蜜桃甜薯,唔係度度食到。我見佢哋嘅雞翼都幾出名,所以都叫咗個椒鹽雞翼同埋瑞士雞全翼。食冰室都可以食得好滿足㗎,特別係同中學時期嘅同學一齊,大家經歷都唔少,無論時代點變,味道依然不變。
Post