四點金飯店

Open Now

Now Closed

潮州人食潮州嘢。今晚去到寶琳站嘅四點金飯店試吓呢度嘅潮州餐。 最近好容易攰，所以要滋潤吓，叫咗個菜膽杏汁白肺湯。杏汁味香濃，材料充足，豬肺大大件，感覺滋潤養生。再點咗碟欖菜肉碎炒飯，好鍾意欖菜，令人特別開胃，肉碎同炒飯亦炒出色香味。然後來一個乾撈海皇粉絲煲，金黃色嘅粉絲，亦有好多鮮蝦，蔬菜同瑤柱絲作點綴，非常豐富。潮州甜品點可以錯過，今晚點咗棗皇糕同褔果清心丸豆爽，紅棗糕暖暖的，煙煙韌韌的，綠豆爽甜甜的，粒粒綠豆，有口感，好有潮式風味。