六小館

今晚係東涌食晚餐，黎左呢間叫六小館嘅餐廳。之前中午黎過都幾好，中午主打點心，夜晚就似乎多小菜。先黎開胃菜，六小館嘅冰梅鮮淮山絕對係一個不錯嘅選擇。佢精緻嘅賣相，口感清新爽口。主食叫左水煮牛，都幾多塊牛而且好新鮮，肉質彈牙。個湯底濃郁，好多辣椒，調味夠；辣得過癮。再叫左個蠔仔燴飯。佢哋使用新鮮軟滑嘅蠔仔，同燴飯結合得天衣無縫，每一口都能品嚐到豐富嘅蠔仔味道。都幾多而且肥美，蠔仔燴飯嘅份量亦算物超所值，絕對能夠滿足你嘅胃口。同埋叫左個通菜，就正常發揮，炒得夠鍋氣。六小館嘅用餐環境非常寬敞舒適，冷氣足夠涼爽。