Pheromone Dessert (Closed)

這個週末，下午茶時間，突然很想坐一坐，悠閒地食個甜品，來到這甜品勝地（因為我經常見人群在附近），既然要舒服悠閒，就這間啦！好靚嘅環境，坐在窗邊望著街景，彷如歐陸風情。他們剛開舖，我就不客氣衝入去坐下來，那店員也很有禮貌叫我們可以睇下餐牌先，然後忙於打點開舖，我就不停影相，因為真係好靚！跟住我們就叫咗「Baileys 梳乎厘配簿荷朱古力」和「士多啤梨法式撈麵」。梳乎厘那特別綿綿口感加上Baileys味道，多了一份香醇嘅味道，使梳乎厘更具吸引力，而配那薄荷朱古力雪糕，感覺沒有揀錯！香醇再配上清新薄荷味道，具平衡感。而那士多啤梨法式撈麵，原來係將傳統的班㦸，將其砌成麵條型，然後以杯上，除了充滿美感外，食起來方便很多，很容易叉上一口沾滿忌廉的班㦸，很均勻，雖然一條條，但仍食得出班㦸底好香，新鮮軟熟。我們選配3.6牛乳雪糕，但乳味略厭淡口。