Tom N Toms Coffee (Closed)

放假今日諗住去深水埗買下野行吓，行吓行吓行到去左新商場，見到呢間Cafe叫Tom N Toms Coffee，諗返起嗰陣時係第2度都見過，見行到好鬼咁攰即刻入返嚟飲番杯咖啡。叫咗杯cappuccino ，同埋叫左杯沙冰，咁啱又有三個位坐坐先。唔隔10分鐘都唔使，咁多人都可以10分鐘送到都算唔錯啊。杯咖啡開蓋仲有拉埋卡心形嘅圖案，真係幾好。個咖啡幾有咖啡味，飲得出係優質嘅咖啡豆。除此之外，我地仲叫左件烤芝士吐司，入口脆卜卜夠香口，而且餐廳環境都好舒服，都係一個行攰左休息下嘅唔錯選擇。