Video
Read full review
2014-05-10
19969 views
星期六閒唻嘆個tea buffet，食物比想像中多！壽司: 只有5至6款卷壽司，但勝在新鮮，且料足凍食: 有4-5款三文治或夾包，日式冷麵等，但冇試。有款墨魚汁包，面層配蝦及醬汁，味道唔錯。最愛嗰杯意大利雜錦，蟹肉新鮮料足，撈埋底下獨特醬料，好食食咗3杯沙律: 6-7款配料唔太多，但新鮮，鍾意佢蕃茄大大片，青瓜片切到好薄，且提供多款醬料芝士: 有幾款，但冇試熱食: 菠蘿义燒包比普通义燒包好，皮脆料多。隻餃同春卷啲料就齋啲，但餃夠皮薄春卷夠香脆。蘿蔔糕前後出咗兩款味，有味嗰隻香口啲。小籠包賣相麻麻地，未夾已穿。生煎包皮唔太厚，味道ok。义燒酥夠香脆但有陣油味。雞翼燒一面唔燒一面，一般。紅油抄手細細粒，味道ok。魚蛋粉麵即做即食，麵款及湯底各有3種，配料魚蛋彈牙，味道ok，墨丸一般，啲菇麻麻，有陣苦味，魚腐冇試咖哩: 配有印度薄餅，不錯炸物: 炸魚柳同炸蝦餅香脆好味。天婦羅即炸即食，有蝦，蕃薯，茄瓜，青紅椒等串燒: 即燒即食，有牛有雞，夠嫩，配汁亦ok朱古力噴泉: 只配有西瓜，哈蜜瓜及蜜瓜粒甜品: 9-10款皆整體不俗，特別鍾意葡撻金黃香脆但唔太甜。窩夫及pan cake即做即食，雪糕有4
壽司: 只有5至6款卷壽司，但勝在新鮮，且料足
凍食: 有4-5款三文治或夾包，日式冷麵等，但冇試。有款墨魚汁包，面層配蝦及醬汁，味道唔錯。最愛嗰杯意大利雜錦，蟹肉新鮮料足，撈埋底下獨特醬料，好食食咗3杯
沙律: 6-7款配料唔太多，但新鮮，鍾意佢蕃茄大大片，青瓜片切到好薄，且提供多款醬料
芝士: 有幾款，但冇試
熱食: 菠蘿义燒包比普通义燒包好，皮脆料多。隻餃同春卷啲料就齋啲，但餃夠皮薄春卷夠香脆。蘿蔔糕前後出咗兩款味，有味嗰隻香口啲。小籠包賣相麻麻地，未夾已穿。生煎包皮唔太厚，味道ok。义燒酥夠香脆但有陣油味。雞翼燒一面唔燒一面，一般。紅油抄手細細粒，味道ok。魚蛋粉麵即做即食，麵款及湯底各有3種，配料魚蛋彈牙，味道ok，墨丸一般，啲菇麻麻，有陣苦味，魚腐冇試
咖哩: 配有印度薄餅，不錯
炸物: 炸魚柳同炸蝦餅香脆好味。天婦羅即炸即食，有蝦，蕃薯，茄瓜，青紅椒等
串燒: 即燒即食，有牛有雞，夠嫩，配汁亦ok
朱古力噴泉: 只配有西瓜，哈蜜瓜及蜜瓜粒
甜品: 9-10款皆整體不俗，特別鍾意葡撻金黃香脆但唔太甜。窩夫及pan cake即做即食，雪糕有4款口味，淨食咗朱古力及tiramisu, 應該係movenpick！
果汁: 有3款，橙汁，西柚汁及檸檬茶，橙汁新鮮果肉多但唔酸，唔知係咪鮮搾
生果: 有切好西瓜，哈蜜瓜及蜜瓜片，另有整個蘋果及啤梨
飲品: 叫咗香片同普洱，每壺以茶葉沖泡，水滾茶香
整體食物質素不錯，環境舒適，服務好，工作人員有禮(包括侍應及煮食廚師)，收碟快靚正。但放後排食物好難拎，且啲㷛蓋打開根本冇位放低。另甜品位有一兩隻少蚊滋飛唻飛去，可能因出面pool side有植物或枱上放鮮花嘅關係。廁所位要上一層及格數少但好衞生！
Post