Sky726

想同一位好耐無見嘅老朋友搵個地方舒舒服服坐下傾下計，食個lunch, 喺旺角附近其實多餐廳，不過如果係地鋪，一般都細細間，坐得好迫，又多人等位，食到趕頭趕命。而火車站果邊大商場入面又係難等位，長期都好爆。今日去左呢度試，原來25樓嘅旺角街景係咁樣嘅。Lunch 全部set都7折，折實大約$100/位。我同朋友都叫左個牛肉漢堡餐，有沙律、餐包、餐湯、餐飲。個沙律好值得讚，蔬菜係好新鮮，好fresh 係高級餐廳食到果種一樣，個汁酸酸地好好味。Burger with french fries, 都算大份，一個女仔可能食唔晒。牛肉好juicy, 無問我幾成熟，似係日本和牛漢堡的質感，好林。薯條炸到好脆，有小小似返炸的感覺，總結係好味嘅，坐得舒服，冷氣好夠，無限時，人唔多，旺角來講算唔錯。