榕易燒泰式串燒專門店 (Closed)

『泰式雜錦拼盤』内有蝦多士，春卷，魚餅，咖哩角。每樣都有6～8件，數量勁多，意想不到。蝦多士賣相唔錯，魚餅質地好腍，口感極佳，咖喱角咖喱濃香，最重要全部都原汁原味，不加味精。肉類串燒就嗌咗雞腎串，燒墨魚丸；海鮮類串燒就有蒜蓉粉絲燒蘇格蘭蟶子同埋日式燒鮮白鱔，蔬菜串燒就嗌咗日本一口紫薯作為我嘅飯後甜品。海鮮類不嬲係我嘅favor, 蟶子飽满彈牙清甜，白鱔燒得好香，香氣扑鼻，好满足，最重要呢度有好大，有舒適嘅室外空間，喺宜家秋高氣爽時，約埋朋友來不失為一個好嘅選擇。