饗和民 (萬宜大廈)

Open Now

Now Closed

呢間位於中環心臟地帶嘅連鎖日式料理係唔少打工仔必去嘅嘅飯堂。餐廳重新裝修過後感覺煥然一新，令人感覺乾淨又舒適。除左各式各樣嘅日式料理之外，呢度仲提供唔同種類嘅清酒，價錢有平有貴。餐廳有好多款唔同嘅二人套餐可以選擇，性價比較高，而且匯豐信用卡仲做緊優惠添！但有啲食物唔太啱食，所以最後我哋都係選擇散叫。首先點左三文魚腩同帆立貝刺身。三文魚腩非常肥美，帆立貝雖然細細粒但都非常新鮮鮮甜。香炸北海道產水牛芝士，一咬開香濃熱辣辣嘅芝士就一湧而出，十分邪惡令人欲拒還迎。大海老天婦羅，天婦羅粉漿唔算太厚，隻蝦唔算大隻唔係虎蝦而係細隻啲嘅蝦。蝦嘅口感係爽嫩嘅。北海道產冷蕎麥麵，麵條配埋香濃醬油味嘅麵汁、香蔥同wasabi一齊食好開胃。不過麵條有啲黐埋一齊而唔係條條分明嘅，扣左D分。牛油果軟殼蟹卷，軟殼蟹炸得香脆，牛油果份量多而且味道同口感非常creamy。加埋鹹香味嘅蟹子、番茄仔同埋沙律醬一齊食，不但賣相吸引而且口感非常豐富。壽喜燒鍋(小）牛肉有少少老，湯汁醬油味香濃。