Thirty First of May (Closed)

荃灣一帶一向有唔少好野食，為左同女朋友鋸個靚扒，今日揀左呢間Thirty First of May.門面裝修幾華麗，不錯。bar枱設計頗有時代感。先上前菜~新鮮時令大蜆煲~蜆煲用忌廉汁配搭，汁稠度適中，有香濃牛油忌廉味。大蜆份量不少，二人食平均每人都有10隻左近，鮮味幾濃!忌廉磨菇湯~打碎磨菇蓉，香得黎，又不失粒粒磨菇口感。忌廉南瓜湯~同樣採用打碎南瓜蓉，所以兩湯texture都不錯。十分有趣，餐包用蒸籠上，脆卜卜不錯。主菜之一意式蕃茄汁大蝦意粉~份量同樣頗多蕃茄汁平均沾滿意粉，而且不會太酸。大蝦非常新鮮，爽口彈牙。美國頂級安格斯西冷牛扒~西冷有10安士，份量十足，伴菜有薯蓉，露荀，西蘭花。西冷肉質非常有口感，而且濃味。兩人來說，set dinner份量非常足夠，而環境幾浪漫，十分適合情侶開餐。