Burgeroom (美麗華廣場1期) (Closed)

呢間餐廳係美式餐廳，主打大大杯啤酒，大大個漢堡包，仲有小食送酒，坐位舒適，裝修別緻，用左一堆車軚做裝飾。又帶一點懷舊風格，可以同朋友坐低，一邊飲嘢，一邊慢慢傾下計，餐廳入面音樂唔會太噪太大聲，音量適中。今日2個人食，叫左2份burger，分別係軟殼蟹漢堡同埋煙肉芝士牛肉漢堡，小食叫咗芝士旋風薯條，再加一杯黑啤。煙肉芝士牛肉漢堡入面嘅牛肉係厚切漢堡扒，而且充滿肉汁，煙肉再加上芝士有少少過咸，不過整體夾埋塊包，同埋生菜，味道剛剛好。漢堡包用嘅麵包亦都非常鬆軟，表面焗到脆脆地，記得一定要趁熱食。另一款軟殼蟹漢堡，入面嘅軟殼蟹用炸粉炸脆了，再加上沙律醬，生菜及蕃茄，夾住一齊食又有另一番風味。呢件炸軟殼蟹唔同我哋食開嘅日式炸軟殼蟹，炸粉質地唔同，調味亦都唔同，算係有點新鮮感。芝士旋風薯條，加左芝士醬，其實唔加醬都好夠味，薯條本身已經調咗未，炸得脆脆的，熱辣辣好正。杯黑啤好大杯，足夠兩個人分享。整個晚餐價錢唔貴，只係三百幾蚊，坐得咁舒服，真係好抵。